Premer-ministrdiń orynbasary Eraly Toǵjanov Qazaqstanda eki milliondai jumyssyz bar ekenin aitty, dep habarlaidy Sputnik Qazaqstan.
Ortalyq kommýnikatsiialar qyzmetinde ótken baspasóz máslihatynda jýrnalister Toǵjanovtan Úkimet jasyryn jumyssyzdyqtyń aýqymyn qalai baǵalaitynyn surady.
"Eki million shyǵar. Sarapshylar basqa, depýtattar basqa tsifrdy aitady. Sany kóp, árine", - dep jaýap berdi vitse-premer.
Biraq, onyń aitýynsha, búginde ózin-ózi jumyspen qamtyǵandardyń kóbi jaqsy aqsha tabady. Mysaly, óner, IT salalarynda.
"Iandekstegi" jumysshylar – ózin-ózi jumyspen qamtyǵandar, eshqaisysy tirkeýden ótpeidi. Bizdiń mindetimiz ózin-ózi jumyspen qamtyǵandardyń izine túsý emes, biz tek olardy, tym bolmasa nóldik stavkamen tirkeýden ótýge kóndirgimiz keledi", - dedi Toǵjanov.
Ol ózin-ózi jumyspen qamtyǵandar arasynda kópbalaly ata-analar da bar ekenin atap ótti.
"Olardyń arasynda tirkemei-aq qoiyńdarshy dep ótingender de bar. Tabysy joǵary bolsa da, ózin-ózi jumyspen qamtýshy bolyp qalǵysy keledi. Men IT nemese qarjy salasynda aiyna 600-800 myń teńge tabatyn adamdardy bilemin. Olar esh jerde tirkelmegen. Biz bul baǵytta jumys júrgizip jatyrmyz, biraq ol ońai emes. Adamdar tirkeýden ótý qajettigin ózderi túsinýi kerek", - dedi vitse-premer.
