پرەمەر-مينيستردٸڭ ورىنباسارى ەرالى توعجانوۆ قازاقستاندا ەكٸ ميلليونداي جۇمىسسىز بار ەكەنٸن ايتتى, دەپ حابارلايدى Sputnik قازاقستان.
ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا جۋرناليستەر توعجانوۆتان ٷكٸمەت جاسىرىن جۇمىسسىزدىقتىڭ اۋقىمىن قالاي باعالايتىنىن سۇرادى.
"ەكٸ ميلليون شىعار. ساراپشىلار باسقا, دەپۋتاتتار باسقا تسيفردى ايتادى. سانى كٶپ, ەرينە", - دەپ جاۋاپ بەردٸ ۆيتسە-پرەمەر.
بٸراق, ونىڭ ايتۋىنشا, بٷگٸندە ٶزٸن-ٶزٸ جۇمىسپەن قامتىعانداردىڭ كٶبٸ جاقسى اقشا تابادى. مىسالى, ٶنەر, ٸت سالالارىندا.
"ياندەكستەگٸ" جۇمىسشىلار – ٶزٸن-ٶزٸ جۇمىسپەن قامتىعاندار, ەشقايسىسى تٸركەۋدەن ٶتپەيدٸ. بٸزدٸڭ مٸندەتٸمٸز ٶزٸن-ٶزٸ جۇمىسپەن قامتىعانداردىڭ ٸزٸنە تٷسۋ ەمەس, بٸز تەك ولاردى, تىم بولماسا نٶلدٸك ستاۆكامەن تٸركەۋدەن ٶتۋگە كٶندٸرگٸمٸز كەلەدٸ", - دەدٸ توعجانوۆ.
ول ٶزٸن-ٶزٸ جۇمىسپەن قامتىعاندار اراسىندا كٶپبالالى اتا-انالار دا بار ەكەنٸن اتاپ ٶتتٸ.
"ولاردىڭ اراسىندا تٸركەمەي-اق قويىڭدارشى دەپ ٶتٸنگەندەر دە بار. تابىسى جوعارى بولسا دا, ٶزٸن-ٶزٸ جۇمىسپەن قامتۋشى بولىپ قالعىسى كەلەدٸ. مەن ٸت نەمەسە قارجى سالاسىندا ايىنا 600-800 مىڭ تەڭگە تاباتىن ادامداردى بٸلەمٸن. ولار ەش جەردە تٸركەلمەگەن. بٸز بۇل باعىتتا جۇمىس جٷرگٸزٸپ جاتىرمىز, بٸراق ول وڭاي ەمەس. ادامدار تٸركەۋدەن ٶتۋ قاجەتتٸگٸن ٶزدەرٸ تٷسٸنۋٸ كەرەك", - دەدٸ ۆيتسە-پرەمەر.
