2020 jyldyń qańtar-maýsym aralyǵynda elde 5,3 myń jol kólik oqiǵasy (JKO) tirkelgen dep habarlaidy ranking.kz saity.
Bul ótken jylǵy kórsetkishpen salystyrǵanda 25,8%-ǵa az.
Óńirler boiynsha JKO-nyń eń kóp sany Almatyda tirkelgen. Eldegi barlyq jol-kólik oqiǵalary sanynyń 23,6%-y Almatyǵa tiesili. Jarty jyl ishinde qarjy ortalyǵynda 1,2 myń JKO tirkelgen. Bul bir jyl burynǵy kórsetkishpen salystyrǵanda 1,7 ese az.
JKO sany jóninen ekinshi orynda Almaty oblysy tur. Munda 802 JKO tirkelgen. Jol apattarynyń sany 28,2%-ǵa qysqarǵan. Úshinshi orynda – Jambyl oblysy. Atalǵan óńirde 447 JKO tirkelgen. Jol-kólik oqiǵalarynyń sny 25,3% azaiǵan.
Alty aidyń qortyndysy boiynsha JKO-dan 7,7 myń adam zardap shekken. Olardyń 6,9 myń adamy jaraqat alsa, 712 adam kóz jumǵan. Bul ótken jylǵy kórsetkishpen salystyrǵanda 25,5%-ǵa az.
JKO-dan jaraqat alǵandardyń kóbisi Almaty qalasynda tirkelse, qaza tapqandardyń basym kópshiligi Almaty oblysynan. Almaty oblysynda 137 adam jol apatynan qaza tapqan. Atalǵan tizimniń basynda Túrkistan men Jambyl oblystary da bar.
