قازاقستاندا جول-كٶلٸك وقيعالارىنىڭ سانى ازايدى

2020 جىلدىڭ قاڭتار-ماۋسىم ارالىعىندا ەلدە 5,3 مىڭ جول كٶلٸك وقيعاسى (جكو) تٸركەلگەن دەپ حابارلايدى ranking.kz سايتى.

بۇل ٶتكەن جىلعى كٶرسەتكٸشپەن سالىستىرعاندا 25,8%-عا از. 

ٶڭٸرلەر بويىنشا جكو-نىڭ ەڭ كٶپ سانى الماتىدا تٸركەلگەن. ەلدەگٸ بارلىق جول-كٶلٸك وقيعالارى سانىنىڭ 23,6%-ى الماتىعا تيەسٸلٸ. جارتى جىل ٸشٸندە قارجى ورتالىعىندا 1,2 مىڭ جكو تٸركەلگەن. بۇل بٸر جىل بۇرىنعى كٶرسەتكٸشپەن سالىستىرعاندا 1,7 ەسە از. 

جكو سانى جٶنٸنەن ەكٸنشٸ ورىندا الماتى وبلىسى تۇر. مۇندا 802 جكو تٸركەلگەن. جول اپاتتارىنىڭ سانى 28,2%-عا قىسقارعان. ٷشٸنشٸ ورىندا – جامبىل وبلىسى. اتالعان ٶڭٸردە 447 جكو تٸركەلگەن. جول-كٶلٸك وقيعالارىنىڭ سنى 25,3% ازايعان. 

التى ايدىڭ قورتىندىسى بويىنشا جكو-دان 7,7 مىڭ ادام زارداپ شەككەن. ولاردىڭ 6,9 مىڭ ادامى جاراقات السا, 712 ادام كٶز جۇمعان. بۇل ٶتكەن جىلعى كٶرسەتكٸشپەن سالىستىرعاندا 25,5%-عا از. 

جكو-دان جاراقات العانداردىڭ كٶبٸسٸ الماتى قالاسىندا تٸركەلسە, قازا تاپقانداردىڭ باسىم كٶپشٸلٸگٸ الماتى وبلىسىنان. الماتى وبلىسىندا 137 ادام جول اپاتىنان قازا تاپقان. اتالعان تٸزٸمنٸڭ باسىندا تٷركٸستان مەن جامبىل وبلىستارى دا بار.