Qazaqstandaǵy óndirýshiler suranysy joǵary dári-dármekti shyǵara bastady. Bul týraly «SQ-Farmatsiia» JShS-nyń basqarma tóraǵasy Erhat Esqaliev aitty, dep habarlaidy QazAqparat.
«Pandemiiany eskere otyryp, óz óndirisin maksimaldy qýatqa jáne úsh aýysymdy jumys formatyna burǵan bizdiń otandyq taýar óndirýshilerge alǵysymdy bildirgim keledi. Óndirýshilerdiń dári-dármekteri tikelei konveierden aýrýhanalarǵa jóneltiledi. Óndiris asa suranysqa ie preparattarǵa qaita formattaldy. KVI-di emdeý úshin paidalanylatyn preparattardyń 43 ataýyn (jartysyn) otandyq taýar óndirýshiler shyǵarady», – dedi E. Esqaliev Ortalyq kommýnikatsiialar qyzmetinde.
Osy oraida ol QR Úkimeti farmatsevtikalyq ónerkásipti damytýdyń 2025 jylǵa deiingi keshendi josparyn qabyldaǵanyn, bul turǵyda eldiń dári-dármek qaýipsizdigin qamtamasyz etýge múmkindik beretinin atap ótti.
«Otandyq óndiristi damytý úshin yntalandyrý baǵytynda TOP-50 BigFarmanyń iri álemdik farmatsevtika indýstriiasymen, iaǵniPfizer, Bayer, Sanofi siiaqty alyptarmen ózara is-qimyldy damytý eskerilgen. R&D ortalyqtary úlgisindegi iri meditsinalyq joǵary oqý oryndarynyń ǵylymi zerthanalaryn tartý, otandyq ǵylymi-zertteý institýttaryn, sondai-aq olardy erkin ekonomikalyq jáne indýstriialyq aimaqtarda óristetý qarastyrylǵan», - dedi «SQ-Farmatsiia» basshysy.
