قازاقستانداعى ٶندٸرۋشٸلەر سۇرانىسى جوعارى دەرٸ-دەرمەكتٸ شىعارا باستادى. بۇل تۋرالى «سق-فارماتسييا» جشس-نىڭ باسقارما تٶراعاسى ەرحات ەسقاليەۆ ايتتى, دەپ حابارلايدى قازاقپارات.
«پاندەمييانى ەسكەرە وتىرىپ, ٶز ٶندٸرٸسٸن ماكسيمالدى قۋاتقا جەنە ٷش اۋىسىمدى جۇمىس فورماتىنا بۇرعان بٸزدٸڭ وتاندىق تاۋار ٶندٸرۋشٸلەرگە العىسىمدى بٸلدٸرگٸم كەلەدٸ. ٶندٸرۋشٸلەردٸڭ دەرٸ-دەرمەكتەرٸ تٸكەلەي كونۆەيەردەن اۋرۋحانالارعا جٶنەلتٸلەدٸ. ٶندٸرٸس اسا سۇرانىسقا يە پرەپاراتتارعا قايتا فورماتتالدى. كۆي-دٸ ەمدەۋ ٷشٸن پايدالانىلاتىن پرەپاراتتاردىڭ 43 اتاۋىن (جارتىسىن) وتاندىق تاۋار ٶندٸرۋشٸلەر شىعارادى», – دەدٸ ە. ەسقاليەۆ ورتالىق كوممۋنيكاتسييالار قىزمەتٸندە.
وسى ورايدا ول قر ٷكٸمەتٸ فارماتسەۆتيكالىق ٶنەركەسٸپتٸ دامىتۋدىڭ 2025 جىلعا دەيٸنگٸ كەشەندٸ جوسپارىن قابىلداعانىن, بۇل تۇرعىدا ەلدٸڭ دەرٸ-دەرمەك قاۋٸپسٸزدٸگٸن قامتاماسىز ەتۋگە مٷمكٸندٸك بەرەتٸنٸن اتاپ ٶتتٸ.
«وتاندىق ٶندٸرٸستٸ دامىتۋ ٷشٸن ىنتالاندىرۋ باعىتىندا توپ-50 بيگفارمانىڭ ٸرٸ ەلەمدٸك فارماتسەۆتيكا يندۋستريياسىمەن, ياعنيPfizer, Bayer, Sanofi سيياقتى الىپتارمەن ٶزارا ٸس-قيمىلدى دامىتۋ ەسكەرٸلگەن. R&D ورتالىقتارى ٷلگٸسٸندەگٸ ٸرٸ مەديتسينالىق جوعارى وقۋ ورىندارىنىڭ عىلىمي زەرتحانالارىن تارتۋ, وتاندىق عىلىمي-زەرتتەۋ ينستيتۋتتارىن, سونداي-اق ولاردى ەركٸن ەكونوميكالىق جەنە يندۋسترييالىق ايماقتاردا ٶرٸستەتۋ قاراستىرىلعان», - دەدٸ «سق-فارماتسييا» باسشىسى.
