Foto:elements.envato.com
Qazaqstanda jihaz baǵasy Reseiden importtalatyn materialdardyń qymbattaýyna bailanysty ósip jatyr, - dep habarlaidy Tengrinews.kz agenttigi "Habar 24" arnasyna silteme jasap.
Sarapshylardyń aitýynsha, Qazaqstanda aǵash jihaz óndirisi Resei shikizatynyń importyna 70 paiyzǵa táýeldi. Qazaqstandyq óndirýshiler buryn elge ákelingen qordy paidalanyp júr, degenmen onyń taýsylatyn ýaqyty da jaqyndap qalǵan. Reseiden Qazaqstanǵa aǵash ákelý shyǵyndary tórt ese ósti. Endi Qazaqstanǵa aǵash materialdaryn tek temirjol arqyly ákelýge bolady. Aǵashty esepke alýdyń jańa júiesine bailanysty avtokóliktermen tasymaldaýǵa tyiym salynǵan.
Jihaz jáne aǵash óńdeý ónerkásibi qaýymdastyǵynyń basshysy Qanat Ibraevtiń aitýynsha, eger buryn bir teksheni tasymaldaý shamamen 3000-3500 teńge bolsa, endi onyń quny 12 myńǵa jetedi. Bul rette logistika shyǵyndary 40 paiyzǵa deiin artady.
Rýbldiń basqa valiýtalarǵa qatysty ósýi baǵalarǵa da áser etedi. Qazaqstanda orman kóleminiń jetkiliksiz bolýyna bailanysty ónerkásiptik aǵash daiyndaý úshin múmkindik joq. Sanktsiialar engizilgenge deiin Resei álemdegi jetekshi aǵash eksporttaýshylardyń biri boldy. Sońǵy ailarda valiýta baǵamy teńgege qatysty 5,5 teńgeden 7 teńgege deiin kóterildi.
Maýsymnyń basynda Qazaqstanda jihaz óndirýge arnalǵan materialdar kem degende 30 paiyzǵa qymbattaidy. Osy ailarda daiyn ónimge suranys joǵary infliatsiia aiasynda aitarlyqtai tómendedi.
