فوتو:elements.envato.com
قازاقستاندا جيھاز باعاسى رەسەيدەن يمپورتتالاتىن ماتەريالداردىڭ قىمباتتاۋىنا بايلانىستى ٶسٸپ جاتىر, - دەپ حابارلايدى Tengrinews.kz اگەنتتٸگٸ "حابار 24" ارناسىنا سٸلتەمە جاساپ.
ساراپشىلاردىڭ ايتۋىنشا, قازاقستاندا اعاش جيھاز ٶندٸرٸسٸ رەسەي شيكٸزاتىنىڭ يمپورتىنا 70 پايىزعا تەۋەلدٸ. قازاقستاندىق ٶندٸرۋشٸلەر بۇرىن ەلگە ەكەلٸنگەن قوردى پايدالانىپ جٷر, دەگەنمەن ونىڭ تاۋسىلاتىن ۋاقىتى دا جاقىنداپ قالعان. رەسەيدەن قازاقستانعا اعاش ەكەلۋ شىعىندارى تٶرت ەسە ٶستٸ. ەندٸ قازاقستانعا اعاش ماتەريالدارىن تەك تەمٸرجول ارقىلى ەكەلۋگە بولادى. اعاشتى ەسەپكە الۋدىڭ جاڭا جٷيەسٸنە بايلانىستى اۆتوكٶلٸكتەرمەن تاسىمالداۋعا تىيىم سالىنعان.
جيھاز جەنە اعاش ٶڭدەۋ ٶنەركەسٸبٸ قاۋىمداستىعىنىڭ باسشىسى قانات يبراەۆتٸڭ ايتۋىنشا, ەگەر بۇرىن بٸر تەكشەنٸ تاسىمالداۋ شامامەن 3000-3500 تەڭگە بولسا, ەندٸ ونىڭ قۇنى 12 مىڭعا جەتەدٸ. بۇل رەتتە لوگيستيكا شىعىندارى 40 پايىزعا دەيٸن ارتادى.
رۋبلدٸڭ باسقا ۆاليۋتالارعا قاتىستى ٶسۋٸ باعالارعا دا ەسەر ەتەدٸ. قازاقستاندا ورمان كٶلەمٸنٸڭ جەتكٸلٸكسٸز بولۋىنا بايلانىستى ٶنەركەسٸپتٸك اعاش دايىنداۋ ٷشٸن مٷمكٸندٸك جوق. سانكتسييالار ەنگٸزٸلگەنگە دەيٸن رەسەي ەلەمدەگٸ جەتەكشٸ اعاش ەكسپورتتاۋشىلاردىڭ بٸرٸ بولدى. سوڭعى ايلاردا ۆاليۋتا باعامى تەڭگەگە قاتىستى 5,5 تەڭگەدەن 7 تەڭگەگە دەيٸن كٶتەرٸلدٸ.
ماۋسىمنىڭ باسىندا قازاقستاندا جيھاز ٶندٸرۋگە ارنالعان ماتەريالدار كەم دەگەندە 30 پايىزعا قىمباتتايدى. وسى ايلاردا دايىن ٶنٸمگە سۇرانىس جوعارى ينفلياتسييا اياسىندا ايتارلىقتاي تٶمەندەدٸ.
