Qazaqstanda jeke tulǵalardy elektrmen jabdyqtaýǵa qosý shartyn jasasý rásimi jeńildetildi, dep habarlaidy "Ult aqparat".
«Qazaqstan Respýblikasy Energetika ministriniń keibir buiryqtaryna ózgerister men tolyqtyrýlar engizý týraly» Qazaqstan Respýblikasy Energetika ministriniń 2020 jylǵy 6 aqpandaǵy № 43 buiryǵymen tutynýshylar, energiiamen jabdyqtaýshy jáne energiia berýshi uiymdardyń arasyndaǵy ózara qarym-qatynastarǵa keibir ózgerister engizildi«, delingen QR EM baspasóz qyzmeti taratqan aqparatta.
Buryn elektrmen jabdyqtaýǵa shart jasasý úshin tutynýshy energiiamen jabdyqtaýshy uiymǵa 9 qujat usynyp, oǵan qol qoiý úshin jeke kelýi qajet bolǵan. Bul rette, tutynýshy qujattardyń bir bóligin energiia berýshi uiymnan alatyn. Al ózgeristerden keiin tutynýshy tek energiia berýshi uiymǵa baryp, oǵan 7 qujatty (onyń ishinde tek 5 qujatty tutynýshy beredi, al qalǵan qujattardy energiia berýshi uiym beredi) tapsyrady.
Sondai-aq, tutynýshylar shart talaptaryn buzǵan jaǵdaida, elektr energiiasyn berýdi toqtatý týraly habarlamany alý tártibi de ózgertilgen. Bul jerde, energiiamen jabdyqtaýshy uiymdar aldyndaǵy qaryzdary úshin keiinnen elektr energiiasyn berýdi toqtatý týraly tutynýshyny habardar etý máselesi jańalyq emes ekenin atap ótý qajet.
Elektrmen jabdyqtaý shartynyń talaptaryn buzǵany úshin elektr energiiasyn óshirý týraly tutynýshyny habardar etý tásili ǵana ózgerdi. Buryn tutynýshyǵa onyń habarlamany alǵanyn rastaý, sondai-aq habarlamany jetkizý tásilin tańdaýy kerek bolatyn. Iaǵni tek túbirtekpen ǵana múmkin bolǵandyqtan, osy ózgeristerdiń qajettigi týyndady.
»Bunyń bári tutynylǵan elektr energiiasy úshin tóleýden bas tartýshy josyqsyz tutynýshylar sanynyń ósýine yqpal etti. Sonyń saldarynan, energiiamen jabdyqtaýshy uiymdar aldyndaǵy tutynýshylardyń debitorlyq bereshegi ai saiyn ósýde. Mundai jaǵdai energiia óndirýshi jáne energiia berýshi uiymdar aldynda energiiamen jabdyqtaýshy uiymdardyń debitorlyq beresheginiń ulǵaiýyna ákep soqty. Endi tutynýshylar kem degende 30 (otyz) kúntizbelik kún ishinde elektr energiiasyn jetkizýdi toqtatý (shekteý) týraly habarlama alý túrin (elektrondyq poshtamen, fakspen, poshta arqyly, qysqa mátin habarlamamen, mýltimediialyq habarlamamen, qoldanystaǵy messendjermen) ózderi tańdaidy«, - dep atap ótedi vedomstvodan.
Shartty túrde tutynýshy elektr energiiasyn 1 men 31 qańtar aralyǵynda tutynady. Energiiamen jabdyqtaýshy uiym tutynylǵan elektr energiiasy úshin 15 aqpanǵa deiin shot usynady jáne tutynýshyda 25 aqpanǵa deiin ony tóleýge ýaqyty bolady. Eger tutynýshy 25 aqpanda elektr energiiasy úshin tólemese, onda energiiamen jabdyqtaýshy uiym tutynylǵan elektr energiiasy úshin tóleý qajettiligi jáne tólenbegen jaǵdaida habarlamany alǵan kúnnen bastap 30 kúntizbelik kún ishinde óshiriletini týraly habarlama jiberedi.
Bul rette osy erejeler qoldanysqa engizilgenge deiin jasalǵan sharttyq qarym-qatynastarǵa qatysy joq. Iaǵni, tutynýshy shartty qaita jasamasa, onda bul ózgerister oǵan qoldanylmaidy. Óz kezeginde, elektrmen jabdyqtaý sharttary qoldanystaǵy sharttyń merzimi ótkennen keiin qaita jasalady.
