Qazaqstanda jeke kýálik pen tólqujatty berýdi jedeldetýdiń jańa qyzmeti iske qosylmaq, dep habarlaidy "Ult aqparat".
Endi qujattardy Astana, Almaty, Aqtóbe jáne Shymkentte bir kúnde qolǵa alýǵa bolady. Osy oraida, tiisti erejege ózgertýler 2018 jylǵy 23 shildedegi Úkimettiń qaýlysynda qarastyrylǵan.
Atap aitqanda, Qazaqstan Respýblikasy azamatynyń tólqujaty, Qazaqstan respýblikasy azamatynyń jeke kýáligi Astana, Almaty, Aqtóbe, Shymkent qalalarynda rásimdelgen kúnnen bastap bir jumys kúnine deiin jedeldetilgen tártipte beriledi. Al oblys ortalyqtarynda úsh jumys kúnge deiin, sondai-aq aýdandarda, oblys qalalarynda jeti jumys kúnine deiin tapsyrylady.
Memlekettik bajdy eseptemegende, qujattardy jedel daiarlaý qyzmetiniń quny atalǵan tórt qala úshin 4 983 teńgeni quraidy.
Atalǵan Qaýly resmi jariialanǵan kúnnen keiin kúntizbelik 10 kún ótkennen soń qoldanysqa enedi.
