Májilistiń jalpy otyrysynda«Salyq jáne biýdjetke tólenetin basqa da mindetti tólemder týraly» QR Kodeksine jáne «Salyq jáne biýdjetke tólenetin basqa da mindetti tólemder týraly» QR Kodeksin qoldanysqa engizý týraly» Zańyna ózgerister men tolyqtyrýlar engizý týraly» zań jobasy eki oqylymda qaralyp, maquldandy, dep habarlaidy QazAqparat.
Atalǵan qujat jobasynyń negizgi maqsaty – ekonomikalyq ósimdi qalpyna keltirý boiynsha keshendi josparda eskerilgen keibir sharalardy zańnamalyq qamtamasyz etý.
Májilis depýtat Sergei Simonovtyń sózine qaraǵanda, zań jobasy aiasynda bazalyq salalardaǵy otandyq kompaniialarǵa ózderiniń aǵymdaǵy ótimdiligin arttyrý, tótenshe jaǵdai rejiminen keiin ekonomikalyq ósýdi qalpyna keltirý úshin qarajatty bosatý, otandyq tasymaldaýshylar parkin jańartý, memlekettik emes buqaralyq aqparat quraldaryn qoldaý úshin salyq jeńildigin berý, sondai-aq karantin kezeńinde salyqtyq ákimshilendirýdi ońailatýǵa baǵyttalǵan túzetýler usynylady.
Sonymen qatar, qujatta jeke tulǵalarǵa qatysty salyq raqymshylyǵy eskerilgen. Bul shara azamattardy eseptelgen sanktsiialardan bosatyp, qarjylyq jaǵdaiyn jaqsartýǵa yqpal etedi.
«Budan basqa, 2020 jylǵy 31 jeltoqsanǵa deiin múlik salyǵy, jer salyǵy jáne kólik quraldary salyǵy boiynsha bereshek tólengen jaǵdaida, 2020 jylǵy 1 sáýirdegi jaǵdai boiynsha salyq tóleýshiniń jeke shotyndaǵy ósimpul somasyn esepten shyǵarý boiynsha jeke tulǵalarǵa qosymsha salyq raqymshylyǵyn jasaýdy júrgizý usynylady», - dedi S. Simonov zań jobasyn ekinshi oqylymda talqylaý barysynda.
