Foto: QR DSM
Azamattardyń jedel járdemniń kelýiniń keshigýi týraly kóptegen ótinishterine jaýap retinde QR Densaýlyq saqtaý ministrligi taldaý júrgizip, jaǵdaidy jaqsartý úshin sheshimder usyndy. Bul týraly vedomstvonyń saitynda habarlandy.
Vedomstvo ókilderiniń aitýynsha, taldaý nátijeleri shaqyrtýlardyń 50%-dan astamy shuǵyldyqtyń tórtinshi sanatyna jatatynyn kórsetti, bul emhanalardy qosa alǵanda, meditsinalyq-sanitariialyq alǵashqy kómek uiymdarynyń (MSAK) baqylaýyndaǵy sozylmaly aýrýlary bar patsientterge qyzmet kórsetýdi bildiredi.
Osyǵan bailanysty Ministrlik Meditsinalyq-sanitariialyq alǵashqy kómek kórsetý standartyna jáne Jedel meditsinalyq kómek kórsetý qaǵidalaryna ózgerister jobasyn ázirledi.
Ózgerister keibir BAQ durys jetkizbegendei, úide qyzmet kórsetýdi toqtatýdy bildirmeidi, kerisinshe meditsinalyq qyzmetterdiń qoljetimdiligi men sapasyn jaqsartýǵa baǵyttalǵan.
"Dárigerdi úige shaqyrtýlardy tirkeýge jáne úidegi statsionarlardy uiymdastyrýǵa qatysty tarmaqtar qujattyń qurylymyn jaqsartý úshin jobanyń basqa bólimine aýystyryldy, biraq olar kúshinde qalady. MSAK-tyń meditsina qyzmetkerleri aldyńǵy standarttyń sheńberinde úide kómek kórsetýdi jalǵastyrady.
Densaýlyq saqtaý ministrligi qyzmet kórsetý sapasy men azamattardyń qanaǵattanýshylyǵyn arttyrý úshin meditsinalyq kómek kórsetý júiesin jetildirý boiynsha jumysty jalǵastyrady", - delingen ministrlik habarlamasynda.
