Jastar jylynyń logotipi bekitildi. Bul týraly QR Qoǵamdyq damý ministrliginiń baspasóz qyzmeti málim etti, dep habarlaidy "Ult aqparat".
23 qańtarda Astanada Qazaqstandaǵy jastar jylynyń resmi ashylýy ótedi. Atalǵan is-shara elimizde memlekettik jastar saiasatyn jan-jaqty qoldaý men júzege asyrýǵa baǵyttalǵan aýqymdy josparlardy júzge asyrýǵa bastaý bolmaq.
«Osyǵan orai «Jastar jylynyń» logotipi ázirlendi, onda jyl saiynǵy kóshi-qon kezindegi tyrnalardyń ushýy kórsetilgen. Ushýdyń bul tásili - úlken qustarǵa energiiany kóp qajet etetin qashyqtyqty eńserýge múmkindik beredi. Ushý barysynda árbir qustyń qanatynyń sońynda áýe keptelisi paida bolady, osynyń arqasynda qustar jinaqylanyp, birlesken is-qimyldyń arqasynda biiktikte samǵaý úshin qosymsha jeńildikke ie bolady», - delingen ministrlik habarlamasynda.
Taratylǵan málimetke qaraǵanda, atalǵan bastama jastardyń ózara is-qimyly ustanymyn aiǵaqtaityn eń jaqsy tásili bolyp otyr. Tyrnalar jastyq, baqyt pen sáttilikti beineleidi.
«Jastar saiasatyndaǵy negizgi jetistikterge birlesken kúsh-jiger, tájiribe almasý jáne jastardyń bilimi arqyly qol jetkizildi. Avtorlar logotiptiń tústik gammasyna erekshe kóńil bólgen. Mysalǵa, sary tús pozitivti energetikany, merekeni, kúnniń nuryn, al kógildir tús keńshildikti, shyǵarmashylyq áleýetti bildiredi. Kók tús rýhani tazalyq pen kemeldikti, qyzǵylt-sary tús turaqtylyqtyń, qýanyshtyń, dostyq qarym-qatynastyń simvoly bolady», - dep túsindirdi vedomstvo ókilderi.
.jpeg)