HeadHunter Qazaqstan kompaniiasy eńbek tájiribesi joq jastar úshin eń joǵary jalaqysy bar bos jumys oryndaryn anyqtady, dep habarlaidy QazAqparat.
Jastarǵa jumys usynýǵa daiyn keń taraǵan sala satý bólimine qatysty boldy. Osy oraida kóbine satý jónindegi menedjerler men rietorlar kezdesedi. Bul qyzmetterde árbir satylymnan bonýs tóleý usynylady, sondyqtan jalaqy somasynda eleýli aiyrmashylyq bar, iaǵni 70 myń teńgeden 1 mln teńgege deiin.
Sonymen qatar, týrizm, qonaq úi, meiramhana salasynda da usynys barshylyq. Bul rette daiashy, barmen, aspazshy, hostes pen týragentter keńinen taraǵan. Osy salada jalaqy 60 myńnan 300 myń teńgege deiin barady.
«Ákimshilik personal» salasy bos jumys oryndar boiynsha úshinshi orynda. Osy baǵytta keńseni basqarýshylar, resepshionister, hatshylar men jeke assistentterge qatysty usynys bar. Olardyń jalaqylary 70-ten 250 myń teńgege deiingi deńgeide.
Bos oryndar sany boiynsha tórtinshi orynda aqparattyq tehnologiialar, internet, mýltimedia salasy tur. Qyzmetin endi bastaǵan maman 450 myń teńgege deiin jalaqy alýy múmkin. Osy oraida baǵdarlamashy mamandar, júie ákimshisi men Helpdesk mamandar erekshe suranysqa ie.
Osy zertteýdegi bestikke marketing, jarnama, PR baǵyty kirip otyr. Jas mamandar úshin SMM-menedjer, event-menedjer men dizainer siiaqty bos oryndar bar. Bul saladaǵy jalaqy 80-nen 500 myń teńgege deiin usynylǵan.
