HeadHunter قازاقستان كومپانيياسى ەڭبەك تەجٸريبەسٸ جوق جاستار ٷشٸن ەڭ جوعارى جالاقىسى بار بوس جۇمىس ورىندارىن انىقتادى, دەپ حابارلايدى قازاقپارات.
جاستارعا جۇمىس ۇسىنۋعا دايىن كەڭ تاراعان سالا ساتۋ بٶلٸمٸنە قاتىستى بولدى. وسى ورايدا كٶبٸنە ساتۋ جٶنٸندەگٸ مەنەدجەرلەر مەن ريەتورلار كەزدەسەدٸ. بۇل قىزمەتتەردە ەربٸر ساتىلىمنان بونۋس تٶلەۋ ۇسىنىلادى, سوندىقتان جالاقى سوماسىندا ەلەۋلٸ ايىرماشىلىق بار, ياعني 70 مىڭ تەڭگەدەن 1 ملن تەڭگەگە دەيٸن.
سونىمەن قاتار, تۋريزم, قوناق ٷي, مەيرامحانا سالاسىندا دا ۇسىنىس بارشىلىق. بۇل رەتتە داياشى, بارمەن, اسپازشى, حوستەس پەن تۋراگەنتتەر كەڭٸنەن تاراعان. وسى سالادا جالاقى 60 مىڭنان 300 مىڭ تەڭگەگە دەيٸن بارادى.
«ەكٸمشٸلٸك پەرسونال» سالاسى بوس جۇمىس ورىندار بويىنشا ٷشٸنشٸ ورىندا. وسى باعىتتا كەڭسەنٸ باسقارۋشىلار, رەسەپشيونيستەر, حاتشىلار مەن جەكە اسسيستەنتتەرگە قاتىستى ۇسىنىس بار. ولاردىڭ جالاقىلارى 70-تەن 250 مىڭ تەڭگەگە دەيٸنگٸ دەڭگەيدە.
بوس ورىندار سانى بويىنشا تٶرتٸنشٸ ورىندا اقپاراتتىق تەحنولوگييالار, ينتەرنەت, مۋلتيمەديا سالاسى تۇر. قىزمەتٸن ەندٸ باستاعان مامان 450 مىڭ تەڭگەگە دەيٸن جالاقى الۋى مٷمكٸن. وسى ورايدا باعدارلاماشى ماماندار, جٷيە ەكٸمشٸسٸ مەن Helpdesk ماماندار ەرەكشە سۇرانىسقا يە.
وسى زەرتتەۋدەگٸ بەستٸككە ماركەتينگ, جارناما, PR باعىتى كٸرٸپ وتىر. جاس ماماندار ٷشٸن SMM-مەنەدجەر, ەvent-مەنەدجەر مەن ديزاينەر سيياقتى بوس ورىندار بار. بۇل سالاداعى جالاقى 80-نەن 500 مىڭ تەڭگەگە دەيٸن ۇسىنىلعان.
