Foto: depositphotos.com
Qazaqstan sý tapshylyǵy máselesin sheshý úshin jasandy jańbyr tehnologiiasyn engizbek. Bul týraly Qasym-Jomart Toqaev pen Dúniejúzilik meteorologiia uiymy prezidenti arasyndaǵy kezdesýde belgili boldy, dep habarlaidy Ult.kz.
Joba Túrkistan oblysy aýmaǵynda júzege asady. Onda BAÁ Ulttyq meteorologiia ortalyǵymen birlesip, jaýyn-shashyndy jasandy túrde shaqyrý arqyly sý qoimalaryn tolyqtyrý jáne egistik alqaptardy sýmen qamtý kózdelgen.
Josparǵa sáikes, bastama 17 mamyrda iske qosylady. Osylaisha, Qazaqstan óńirde jasandy jańbyr tehnologiiasyn qoldanǵan alǵashqy elderdiń biri bolmaq.
Aita keteiik, Memleket basshysy atalǵan uiym prezidenti, sondai-aq BAÁ Ulttyq meteorologiia ortalyǵynyń bas direktory Abdýlla Ál-Mandýspen kezdesý ótkizgen.
