Ulttyq gvardiia ókili Qazaqstandaǵy tártipsizdikter barysynda zardap shekkender týraly aitty, - dep habarlaidy Tengrinews.kz.
"Ulttyq gvardiia sarbazdary táýlik boiy jumys isteidi. Almaty, Shymkent qalalaryndaǵy jáne oblys ortalyqtaryndaǵy buzaqy toptarǵa qarsy kúres barysynda Ulttyq gvardiianyń 394 adamy zardap shekti. Sondai-aq, jappai tártipsizdikter barysynda Ulttyq gvardiianyń 90 áskeri tehnikasyna zaqym keldi", - dedi Ishki ister ministriniń orynbasary - Ulttyq gvardiianyń bas qolbasshysy Rýslan Jaqsylyqov.
Sondai-aq, búginde Ulttyq gvardiia áskeri qyzmetkerleri politsiia qyzmetkerlerimen birigip, tótenshe jaǵdai kezinde táýlik boiy jumys istep jatqany aityldy.
"Áskeri bólimniń jeke quramy, bólimsheleri elordadaǵy jáne basqa da óńirlerdegi mańyzdy nysandardy qorǵaý maqsatynda blokbeketterde tur. Baqylap, kúshtik qurylymdarmen birge arnaiy operatsiia júrgizedi", - dep málimdedi vedomstvonyń baspasóz ókili.
"Almatyda jaǵdai birqalypty bolyp kele jatyr. Jedel shtab uiǵarymymen qalanyń barlyq aýdanynda qylmysqa qatysy bar jaittardy anyqtaý úshin tekseris júrgizilip jatyr. Kúshtik qurylymdar barlyq aýdandaǵy baqylaýdy óz qoldaryna aldy jáne qala turǵyndarynyń beibit turmys-tirshiligin qamtamasyz etý úshin jumys istep jatyr", - dedi Rýslan Jaqsylyqov.
