Qazaqstanda elektrondy jáne korporativti qaiyrymdylyq tetikterin janama yntalandyrý is-sharalaryn engizý usynyldy. Bul týraly Aqparat jáne qoǵamdyq damý ministri Aida Balaeva málim etti, dep habarlaidy QazAqparat.
«Birinshiden, elektrondy jáne korporativti qaiyrymdylyq tetikterin janama yntalandyrý is-sharalaryn engizý usynylyp otyr. Ekinshiden, qaiyrymdylyq ári volonterlik uiymdarǵa zańdy mártebe berý bóliginde qosymsha qadamdar engizilip jatyr», - dedi ministr «Qaiyrymdy ister marafonynyń» bastalýyna arnalǵan is-sharada.
Onyń sózine qaraǵanda, salyq jeńildikteri arqyly qarjylyq yntalandyrý máselesi pysyqtalyp jatyr.
«Osy jańashyldyqtardy qabyldaý arqyly eldegi qaiyrymdylyq qozǵalysy turaqty qarqyn alatynyna, al osy marafonnyń bastalýymen olardyń qatary Táýelsizdiktiń 30 jyldyǵynda óz úlesin sózben emes, ispen atqarýǵa tańdaý jasaǵan naǵyz patriottarmen tolyǵatynyna senimdimin», - dedi A. Balaeva.
Osy oraida ol qoǵam men biznes ókilderi tarapynan qajetti usynystar men bastamalardy kútetinin aitty.
Budan buryn habarlanǵandai, búgin elordada donorlar men metsenattardyń qatysýymen «Qaiyrymdy ister marafony» bastaldy.
Aita keteiik, «Qaiyrymdy ister marafony» bastamasyn Memleket basshysy Qasym-Jomart Toqaev kótergen bolatyn.
