2018 jylǵy sáýir aiynan bastap elimizde ekologiia taqyrybyna arnalǵan telearna jumys isteitin bolady. Bul týraly «Jańartylǵan energiia kózderi týraly qoldanystaǵy zańnamaǵa ózgerister men tolyqtyrýlar engizýdiń kontseptýaldyq negizderin talqylaý» atty respýblikalyq ǵylymi konferentsiiada «Baitaq Bolashaq» RQB prezidenti Azamathan Ámirtai málim etti, dep habarlaidy QazAqparat.
«Biz ekologiia taqyrybynda telearna ashýdy jón kórdik. Telearnanyń negizgi kontenti jastarǵa baǵyttalady. Nelikten jastarǵa ekenin de aita keteiin. Jastar men jasóspirimder ekologiia taqyrybymen jii ainalysady ári belsendi bolyp keledi. Olardy osy maqsatqa tereńirek baýlysaq jaqsy nátije beredi dep oilaimyz», - dedi A.Ámirtai.
Ekologiialyq alians prezidentiniń aitýynsha, telearna ashýǵa qazirgi ýaqytta barlyq jaǵdai jasalǵan.
«Telearna ashý úshin tiisti jiilikti satyp aldyq. Tehnikalyq daiyndyqtary júrip jatyr. Aldaǵy sáýir aiynda otandastarymyz jańa telearnany tamashalaityn bolady», - dedi ol.
Sonymen qatar, atalǵan jiyn kezinde esep bergen Azamathan Ámirtai ekologiialyq alianstyń «Taza el» atty gazeti de jaryqqa shyqqanyn atap ótti.
«Telearna ashardan buryn gazet ashyp ta kórdik. Jaqsy suranysqa ie bolyp otyr. Qoǵamdy ekologiia máselesi beijai qaldyrmaityny qýantady», - dep sózin túiindedi uiym basshysy.
