El Tiregi ónerkásip ieleri men kásipkerler odaǵy jańa saiasi partiia qurylatynyn jariialady. Bul týraly parlament májilisiniń depýtaty Nurjan Áltaev habarlady, dep jazady Sputnik Qazaqstan.
"Meniń bilýimshe, olar (El Tiregi – Sputnik) ádilet departamentine tirkeýge ótinish berip úlgergen", - dep atap ótti Áltaev.
Tolyǵyraq 27 qarashada "El Tiregi ónerkásip ieleri men kásipkerler odaǵynyń 7 bastamasyn ashyq talqylaý" atty alǵashqy halyqtyq oi-talqynyń otyrysynda habarlanady.
Sputnik Qazaqstan tilshisi Áltaevtan Nur Otan partiiasynda qalýdy josparlap otyrǵan joqsyz ba dep surady.
"Maǵan osy bastamashyl toptan jańadan qurylǵan saiasi partiianyń basqarýshy organyna kirý týraly usynys tústi. Bul usynysty qarastyryp jatyrmyn, áli sheshim qabyldaǵan joqpyn", - dedi Áltaev.
Sonymen birge, depýtat Nur Otan saiasi partiiasy ishinen saiasi reforma júrgizý týraly usynysty eske túsirdi. Eger ol oryndalmasa, Áltaev odan shyǵýy múmkin.
"Sebebi monopoliialaý jaqsylyqqa ákelmeidi. Nur Otan partiiasy osy saiasi reformany bastaǵanyn kútemin. Eger bul reforma júrgizilse, onda partiiada qalamyn, ony ári qarai jaqtai beremin, partiiaǵa jumys isteimin. Eger Nur Otan partiiasynyń osyndai saiasi ózgeristerge daiyn ekenin kórmesem, onda men bul partiiadan shyǵýǵa týra keledi", - dep sózin túiindedi ol.
Aita keteiik, 2021 jyldyń 10 qańtarynda Qazaqstanda májilis jáne máslihattar depýtattarynyń sailaýy ótedi.
2020 jyldyń 5 qarashasynda Ortalyq sailaý komissiiasy 6 saiasi partiiaǵa sailaýǵa qatysýǵa ruqsat berdi, jańadan qurylǵan saiasi partiia 2021 jylǵy naýqanǵa qatysa almaidy.
27 qarashada JSDP partiiasy sezd ótkizip, sailaýǵa boikot jariialaý týraly sheshim qabyldady.
Nátijesinde Qazaqstannyń bes saiasi partiiasy – Nur Otan, "Aq jol", "Aýyl" "Adal" (burynǵy "Birlik") jáne Qazaqstannyń halyq partiiasy májilis pen máslihattardaǵy oryndarǵa talasady.
