Qazaqstanda 2019 jyldyń tamyz aiyndaǵy azyq-túlik baǵasy 2018 jyldyń tamyz aiymen salystyrǵanda 9% ósti, dep habarlaidy "Ult aqparat" Ulttyq ekonomika ministrliginiń Statistika komitetine silteme jasap.
Esepti kezeńde toqash ónimderi men dándi daqyldar, et, balyq jáne teńiz ónimderi, sút ónimderi, jumyrtqa, mai jáne qant, konditerlik ónimder, alkogolsiz sýsyndar men alkogol ónimderi qymbattap, jańa pisken jemis baǵasy arzandady.
Atap aitqanda, astyq ónimderi baǵasy ártúrli baǵytta ózgerdi. Biylǵy jyldyń tamyz aiynda kúrishtiń ortasha baǵasy 1 kelige - 374 teńgeni qurasa, ótken jyldyń osy kezeńinde - 306 teńge, al qaraqumyqtyń baǵasy biyl - 241 teńge, byltyr osy kezeńde - 255 teńge bolǵan.
Tamyz aiynda túiirshiktelgen qanttyń ortasha baǵasy 1 kelige - 233 teńge, bir jyl buryn - 223 teńge boldy.
Et jáne et ónimderinen siyrdyń jaýyryn-keýde bóliginiń baǵasy 2019 jyldyń tamyz aiynda 1 kelige 1713 teńgeni qurady (2018 jyldyń tamyz aiynda - 1506 teńge) súiekti qoi eti - 1648 teńge (1 433 teńge), súiekti jylqy eti - 1933 teńge (1695 teńge), shoshqanyń jaýyryn eti - 1416 teńge (1281 teńge), shala qaqtalǵan shujyq – 2109 teńge (1928 teńge), taýyq eti - 812 teńge (663 teńge) boldy.
