قازاقستاندا 2019 جىلدىڭ تامىز ايىنداعى ازىق-تٷلٸك باعاسى 2018 جىلدىڭ تامىز ايىمەن سالىستىرعاندا 9% ٶستٸ, دەپ حابارلايدى "ۇلت اقپارات" ۇلتتىق ەكونوميكا مينيسترلٸگٸنٸڭ ستاتيستيكا كوميتەتٸنە سٸلتەمە جاساپ.
ەسەپتٸ كەزەڭدە توقاش ٶنٸمدەرٸ مەن دەندٸ داقىلدار, ەت, بالىق جەنە تەڭٸز ٶنٸمدەرٸ, سٷت ٶنٸمدەرٸ, جۇمىرتقا, ماي جەنە قانت, كونديتەرلٸك ٶنٸمدەر, الكوگولسٸز سۋسىندار مەن الكوگول ٶنٸمدەرٸ قىمباتتاپ, جاڭا پٸسكەن جەمٸس باعاسى ارزاندادى.
اتاپ ايتقاندا, استىق ٶنٸمدەرٸ باعاسى ەرتٷرلٸ باعىتتا ٶزگەردٸ. بيىلعى جىلدىڭ تامىز ايىندا كٷرٸشتٸڭ ورتاشا باعاسى 1 كەلٸگە - 374 تەڭگەنٸ قۇراسا, ٶتكەن جىلدىڭ وسى كەزەڭٸندە - 306 تەڭگە, ال قاراقۇمىقتىڭ باعاسى بيىل - 241 تەڭگە, بىلتىر وسى كەزەڭدە - 255 تەڭگە بولعان.
تامىز ايىندا تٷيٸرشٸكتەلگەن قانتتىڭ ورتاشا باعاسى 1 كەلٸگە - 233 تەڭگە, بٸر جىل بۇرىن - 223 تەڭگە بولدى.
ەت جەنە ەت ٶنٸمدەرٸنەن سيىردىڭ جاۋىرىن-كەۋدە بٶلٸگٸنٸڭ باعاسى 2019 جىلدىڭ تامىز ايىندا 1 كەلٸگە 1713 تەڭگەنٸ قۇرادى (2018 جىلدىڭ تامىز ايىندا - 1506 تەڭگە) سٷيەكتٸ قوي ەتٸ - 1648 تەڭگە (1 433 تەڭگە), سٷيەكتٸ جىلقى ەتٸ - 1933 تەڭگە (1695 تەڭگە), شوشقانىڭ جاۋىرىن ەتٸ - 1416 تەڭگە (1281 تەڭگە), شالا قاقتالعان شۇجىق – 2109 تەڭگە (1928 تەڭگە), تاۋىق ەتٸ - 812 تەڭگە (663 تەڭگە) بولدى.
