Foto: inform.kz
QR Energetika ministriniń mindetin atqarýshy Bolat Aqsholaqov jańa munai óńdeý zaýytyn salýǵa qatysty qandai sheshim bar ekenin aitty, dep habarlaidy QazAqparat agenttigi.
«Munai óńdeý zaýytyna qatysty toqtalsaq, byltyr Shymkent munai óńdeý zaýytyn keńeitý týraly sheshim qabyldadyq. Kezinde ol 12 million tonnaǵa eseptelgen bolatyn. Iaǵni, onyń tek 6 mln tonna shamasyndaǵy qýaty iske qosylǵan», - dedi Aqsholaqov Ortalyq kommýnikatsiialar qyzmetindegi baspasóz máslihatynda.
Onyń aitýynsha, zaýyttyń aýmaǵy negizinen 12 mln tonna óndirýge arnalǵan.
«Bul zaýyttyń qýatyn eki ese arttyrý týraly sheshimge toqtaldyq. Shyn máninde, biz Shymkent munai óńdeý zaýyty aýmaǵynda taǵy da 6 milliondyq munai óńdeý zaýytyn salǵymyz keledi. Eger basqa bos aýmaqta derbes salsaq, ol joba qymbatqa túsedi. Sondyqtan zaýytty qoldanystaǵy infraqurylymnyń aýmaǵynda salsaq, bul joba jeńildeý bolady, óitkeni ol jerge munai qubyrlary tartylǵan», - dedi ministrdiń mindetin atqarýshy.
Onyń sózine qaraǵanda, jańa óndiristi jobalaýdan iske qosýǵa deiin shamamen alty jyl ýaqyt kerek.
Budan buryn habarlanǵandai, Qazaqstanda benzin men dizel otynynyń baǵasy ósedi.
