Memleket basshysy Nursultan Nazarbaevtyń Jarlyǵymen Qazaqstanda Qorǵanys jáne aeroǵarysh ónerkásibi ministrligin quryldy, dep habarlaidy Ult-aqparat Aqordanyń baspasóz qyzmetine silteme jasap.
Elbasynyń jarlyǵynyń tolyq mátini tómendegidei:
Qazaqstan Respýblikasy Konstitýtsiiasynyń 44-babynyń 3) tarmaqshasyna sáikes memlekettik basqarý júiesin jańǵyrtý jáne onyń tiimdiligin arttyrý maqsatynda QAÝLY ETEMIN:
1. Qazaqstan Respýblikasynyń Qorǵanys jáne aeroǵarysh ónerkásibi ministrligi (budan ári – Ministrlik) qurylsyn.
Qorǵanys, aeroǵarysh ónerkásibi jáne elektrondyq ónerkásip, aqparattandyrý jáne bailanys salasyndaǵy aqparattyq qaýipsizdik (kiberqaýipsizdik), jumyldyrý daiarlyǵy jáne jumyldyrý salasyndaǵy memlekettik saiasatty iske asyrý, memlekettik materialdyq rezervti qalyptastyrý jáne damytý, biryńǵai áskeri-tehnikalyq saiasatty jáne áskeri-tehnikalyq yntymaqtastyqty júrgizýge qatysý, qorǵanystyq tapsyrysty qalyptastyrý, ornalastyrý jáne oryndaý salasyndaǵy basshylyq Ministrlik qyzmetiniń negizgi baǵyttary bolyp aiqyndalsyn.
Jańadan qurylǵan Ministrlikke:
Qazaqstan Respýblikasynyń Qorǵanys ministrliginen – qorǵanys ónerkásibi salasyndaǵy;
Qazaqstan Respýblikasynyń Investitsiialar jáne damý ministrliginen – ǵarysh qyzmeti salasyndaǵy;
Qazaqstan Respýblikasynyń Ulttyq ekonomika ministrliginen – jumyldyrý daiarlyǵy jáne jumyldyrý, memlekettik materialdyq rezervti qalyptastyrý jáne damytý salasyndaǵy;
Qazaqstan Respýblikasy Premer-Ministriniń Keńsesinen – aqparattyq qaýipsizdikti qamtamasyz etý jáne Qazaqstan Respýblikasynyń Aqparat jáne kommýnikatsiialar ministrliginen aqparattandyrý jáne bailanys salasyndaǵy aqparattyq qaýipsizdikti qamtamasyz etý salasyndaǵy fýnktsiialar men ókilettikter berilsin.
2. Qazaqstan Respýblikasynyń Úkimeti:
1) Qazaqstan Respýblikasynyń Qorǵanys jáne aeroǵarysh ónerkásibi ministrliginiń Aqparattyq qaýipsizdik komitetin, Aeroǵarysh komitetin jáne Memlekettik materialdyq rezervter komitetin qurýdy;
2) osy Jarlyqtan týyndaityn ózge de sharalar qabyldaýdy qamtamasyz etsin.
3. «Qazaqstan Respýblikasy Úkimetiniń qurylymy týraly» Qazaqstan Respýblikasy Prezidentiniń 1999 jylǵy 22 qańtardaǵy № 6 Jarlyǵyna mynadai tolyqtyrý engizilsin:
1-tarmaqta:
«Qazaqstan Respýblikasynyń Qorǵanys ministrligi;» degen joldan keiin mynadai mazmundaǵy jolmen tolyqtyrylsyn:
«Qazaqstan Respýblikasynyń Qorǵanys jáne aeroǵarysh ónerkásibi ministrligi;».
4. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
5. Osy Jarlyq qol qoiylǵan kúninen bastap qoldanysqa engiziledi.
