QR Qarjy naryǵyn retteý jáne damytý agenttigi quqyq qorǵaý jáne ózge de memlekettik organdarmen birlesip, júieli negizde halyqty qarjy piramidalarynyń belgileri anyqtalǵan uiymdar týraly aqparattandyrý boiynsha jumys júrgizýde, dep habarlaidy "Ult aqparat".
Áleýmettik jeliler men aqparattyq keńistikti monitoringileý barysynda investitsiialyq qyzmetten joǵary tabys tabýǵa ýáde bere otyryp, óz qyzmetin belsendi jarnamalaityn «Finiko» kompaniiasy anyqtaldy.
«Finiko» paidalanýshylarǵa «Syfron Sapital OÜ» platformasynda kriptovaliýtalyq jáne basqa investitsiialyq quraldardy satyp alýdy usynady. Bul jyljymaityn múlikti, avtomobilderdi satyp alýǵa, mindettemelerdi óteýge jáne investitsiialaýǵa bailanysty jaǵdailardy jalǵan túrde uqsastyratyn oiyn alańy. SYFRON (CFR) – esepteýler júrgiziletin kriptovaliýta resmi valiýta bolyp tabylmaidy jáne qarjylyq qundylyǵy joq. Osylaisha, paidalanýshylar aqshany naqty investitsiialyq kompaniiaǵa emes, jalǵan valiýtaǵa salady. Óz kezeginde, «Finiko» kompaniiasy osy oiyn platformasyn paidalaný kezinde kúnine 1-1,2% mólsherleme boiynsha kiris tóleýdi ýáde etedi, bul halyqtyń teńgelik depozitteri boiynsha ortasha naryqtyq mólsherlemeden 43 esege deiin asatyn jyldyq esepteýdegi tabystylyqtyń joǵary deńgeiine sáikes keledi», - dep atap ótti Agenttik ókilderi.
Sonymen qatar, «Finiko» tutynýshylyq jáne ipotekalyq nesielerdi óteýdi usynady. Kompaniia, eger ol qaryz somasynyń 35%-yn salsa, qatysýshynyń krediti boiynsha barlyq somany tóleýge mindettenedi. Osyǵan uqsas sharttar avtokólik pen jyljymaityn múlikti satyp alý kezinde usynylady: jarna múlik qunynyń keminde 35%-yn quraidy jáne 3-4 ai ótkennen keiin kompaniia ony satyp alýǵa jáne qatysýshynyń menshigine berýge ýáde beredi.
Kompaniia sondai-aq kez kelgen satyp alýǵa 25% - ǵa deiin aqshany qaitarýdy usynatyn jalǵan keshbek-kartalar esebinen artyq kiristilikti jáne tegin qyzmet kórsetý kezinde ai saiynǵy qarajat qaldyǵyna 6% syiaqy usynady. Budan basqa, osy karta sheńberinde 1-den 5 adamǵa deiin tartylǵany úshin 1-den 10% - ǵa deiin joǵary paiyzdyq keshbek usynatyn referaldyq baǵdarlama áreket etedi.
Aita keteiik, «Finiko» ótinishi boiynsha keshbek-kartochka MasterCard-pen yntymaqtastyqta jasalǵan. Alaida «Finiko» MasterCard seriktesteriniń tiziminde joq.
«Finiko» kompaniiasy bankterde arnaiy esep aiyrysý shottaryn paidalanbaidy. Alaiaqtyq operatsiialardy júrgizý úshin ol aqshany tek qolma-qol nysanda qabyldaidy nemese Qiwi-koshelek, Iandeh-money, Easy Pay, PayPal jáne t.b. siiaqty internet-tólemder men aýdarymdardyń túrli júielerin paidalanady. Osylaisha, qatysýshylar salynǵan qarajattyń qaida baǵyttalǵanyn baqylai almaidy. Qarjy piramidasyn uiymdastyrý faktisi boiynsha Resei Federatsiiasynyń aýmaǵynda «Finiko» kompaniiasynyń atyna qylmystyq is qozǵaldy», - dep tolyqtyrdy Agenttikte.
QR Qarjy naryǵyn retteý jáne damytý agenttigi «Finiko» qyzmetin qarjy piramidasy men qarjylyq alaiaqtyq belgileri bar dep baǵalaidy. Bul kompaniia qarjy uiymdaryna jatpaidy, óitkeni ýákiletti organnyń litsenziiasy joq jáne tiisinshe halyqtan aqsha tartý, senimgerlik basqarý jáne tartylǵan qarajatty investitsiialaý jónindegi qyzmetti júzege asyrýǵa quqyǵy joq.
Agenttik depozitter túrinde ne qarjy quraldaryna investitsiialardy júzege asyrý úshin aqsha tartý tek ekinshi deńgeidegi bankter, Ulttyq poshta operatory jáne baǵaly qaǵazdar naryǵynyń kásibi qatysýshylary (brokerler-dilerler jáne basqarýshy kompaniialar) júzege asyra alatyn litsenziialanatyn qyzmet túrlerine jatatynyn eske salady.
Osyǵan bailanysty Agenttik Qazaqstan azamattaryn investitsiialaýdyń jáne «Finiko» kompaniiasymen sharttyq qatynastar ornatýdyń, qarajatty osy kompaniianyń shottaryna aýdarýdyń nemese qolma-qol aqsha berýdiń qaýiptiligi týraly habardar etedi.
