Qazaqstanda «Tabiǵat» jańa ekologiialyq partiiasy qurylady, dep habarlaidy "Ult aqparat".
Bul týraly búgin jýrnalistermen bolǵan baspasóz máslihaty barysynda belgili ekolog Mels Eleýsizov aitty.
M.Eleýsizov basqaratyn «Tabiǵat» ekologiialyq odaǵynyń qurylǵanyna biyl 30 jyl bolǵan.
«Memleket pen partiia úshin basty qundylyq – adam. Adam tek jaily ortada ǵana ózin baqytty, kúshti, baqýatty sezinedi. Sý, ekologiialyq taza taǵam, áleýmettik klimat – barlyǵy qorshaǵan orta. Bizdiń partiiamyzdyń basqalarynan aiyrmashylyǵy nede? Bizdiń múddemiz eń basty qundylyq - adammen bailanysty. Bizdiń maqsatymyz - adamǵa jaily orta qalyptastyrý. Parlamentte qorshaǵan ortanyń tazalyǵyn qorǵaityn bir de bir qurylym joq. Adamnyń bir kúndik qajettiligin oilamai, onyń bolashaǵyn, keleshegin oilaǵan memleketke de paidaly bolmaq», - dedi Mels Eleýsizov.
«Tabiǵat» ekologiialyq odaǵynyń basshysy sybailas jemqorlyq pen brakonerlikpen kúres – ekologiialyq odaqtar men birlestikterdiń birinshi kezektegi mindeti bolatynyn aitty.
«Adamdar baiý maqsatynda qorshaǵan ortaǵa nuqsan keltirse oǵan qarsy kúresti qataitqan abzal», - dedi Mels Eleýsizov.
