Foto: elements.envato.com
Biyl tórt aida 29 qazaqstandyq blogerdiń áleýmettik jelidegi aqparatynyń durystyǵy tekserildi. Bul týraly "Aýyl" partiiasynyń depýtattyq saýalyna jaýap bergen bas prokýror Berik Asylov málimdedi, - dep habarlaidy Tengrinews.kz saity.
Bas prokýrordyń aitýynsha, biyl tórt aida ishki ister organdary blogerlerdiń áleýmettik jelilerde Qylmystyq kodekstiń 274-baby jalǵan aqparat taratý faktileri boiynsha 29 sotaldy tergeýdi anyqtaǵan.
"Onyń ishinde tek bir is sotqa jiberildi. Qylmys anyqtalmaǵanyna bailanysty 8 is toqtatyldy. Qosymsha taǵy 8 qylmystyq is boiynsha da sotqa deiingi tergep-tekserý merzimi toqtatyldy (qylmystyq quqyq buzýshylyqty jasaǵan tulǵa anyqtalmady). Qazirgi tańda 12 is qaralyp jatyr", - dep túsindirdi Berik Asylov.
Áleýmettik jelilerdiń monitoringin Aqparat jáne áleýmettik damý ministrligi júrgizedi. Basylymdarda zańbuzýshylyqtar anyqtalǵan jaǵdaida olardy ishki ister ministrligine joldaidy.
"Memleket basshysy 2022 jylǵy 16 naýryzdaǵy "Jańa Qazaqstan: jańarý men jańǵyrý joly" atty Qazaqstan halqyna joldaýynda el múddesin eskerý qajettigin aityp ótti. BAQ salasynyń damý tendentsiialary, osy saladaǵy zańnamany qaita qarai otyryp, osy tapsyrmany iske asyrý sheńberinde memlekettik organdarmen kelisilgen jáne QR Parlamenti Májilisinde "Internet-platformalar jáne internet-jarnama týraly" zań jobasy ázirlendi", - dedi Bas prokýror.
Zań jobasynyń negizgi maqsaty – onlain-jarnamanyń jumys isteýiniń, sondai-aq onlain platformalar qyzmetiniń quqyqtyq negizderin aiqyndaý. Zań túsiniginde bloger degenimiz - adamdardyń belgisiz tobyna baǵyttalǵan jáne óziniń jeke jáne ózge de qoǵamdyq maqsattaryna qol jetkizýge arnalǵan, onyń ishinde jeke tulǵanyń qalyptasýyna yqpal etetin aqparatty onlain-platformalarda taratatyn tulǵa.
Asylov jalǵan aqparat taratý faktileriniń ózektiligi artyp kele jatqanyn, sondyqtan mundai buzýshylyqtarda qylmystyq jazalanatyn áreket belgileri bolmasa, ákimshilik jaýapkershilikti engizý josparlanyp otyrǵanyn málimdedi.
"Eger bul zań jobasy qabyldansa, internet keńistiginde jalǵan aqparattyń taralýyna tiimdi qarsy turý úshin qajetti jaǵdai jasalady", - dep aitty Berik Asylov.
