فوتو: elements.envato.com
بيىل تٶرت ايدا 29 قازاقستاندىق بلوگەردٸڭ ەلەۋمەتتٸك جەلٸدەگٸ اقپاراتىنىڭ دۇرىستىعى تەكسەرٸلدٸ. بۇل تۋرالى "اۋىل" پارتيياسىنىڭ دەپۋتاتتىق ساۋالىنا جاۋاپ بەرگەن باس پروكۋرور بەرٸك اسىلوۆ مەلٸمدەدٸ, - دەپ حابارلايدى Tengrinews.kz سايتى.
باس پروكۋروردىڭ ايتۋىنشا, بيىل تٶرت ايدا ٸشكٸ ٸستەر ورگاندارى بلوگەرلەردٸڭ ەلەۋمەتتٸك جەلٸلەردە قىلمىستىق كودەكستٸڭ 274-بابى جالعان اقپارات تاراتۋ فاكتٸلەرٸ بويىنشا 29 سوتالدى تەرگەۋدٸ انىقتاعان.
"ونىڭ ٸشٸندە تەك بٸر ٸس سوتقا جٸبەرٸلدٸ. قىلمىس انىقتالماعانىنا بايلانىستى 8 ٸس توقتاتىلدى. قوسىمشا تاعى 8 قىلمىستىق ٸس بويىنشا دا سوتقا دەيٸنگٸ تەرگەپ-تەكسەرۋ مەرزٸمٸ توقتاتىلدى (قىلمىستىق قۇقىق بۇزۋشىلىقتى جاساعان تۇلعا انىقتالمادى). قازٸرگٸ تاڭدا 12 ٸس قارالىپ جاتىر", - دەپ تٷسٸندٸردٸ بەرٸك اسىلوۆ.
ەلەۋمەتتٸك جەلٸلەردٸڭ مونيتورينگٸن اقپارات جەنە ەلەۋمەتتٸك دامۋ مينيسترلٸگٸ جٷرگٸزەدٸ. باسىلىمداردا زاڭبۇزۋشىلىقتار انىقتالعان جاعدايدا ولاردى ٸشكٸ ٸستەر مينيسترلٸگٸنە جولدايدى.
"مەملەكەت باسشىسى 2022 جىلعى 16 ناۋرىزداعى "جاڭا قازاقستان: جاڭارۋ مەن جاڭعىرۋ جولى" اتتى قازاقستان حالقىنا جولداۋىندا ەل مٷددەسٸن ەسكەرۋ قاجەتتٸگٸن ايتىپ ٶتتٸ. باق سالاسىنىڭ دامۋ تەندەنتسييالارى, وسى سالاداعى زاڭنامانى قايتا قاراي وتىرىپ, وسى تاپسىرمانى ٸسكە اسىرۋ شەڭبەرٸندە مەملەكەتتٸك ورگاندارمەن كەلٸسٸلگەن جەنە قر پارلامەنتٸ مەجٸلٸسٸندە "ينتەرنەت-پلاتفورمالار جەنە ينتەرنەت-جارناما تۋرالى" زاڭ جوباسى ەزٸرلەندٸ", - دەدٸ باس پروكۋرور.
زاڭ جوباسىنىڭ نەگٸزگٸ ماقساتى – ونلاين-جارنامانىڭ جۇمىس ٸستەۋٸنٸڭ, سونداي-اق ونلاين پلاتفورمالار قىزمەتٸنٸڭ قۇقىقتىق نەگٸزدەرٸن ايقىنداۋ. زاڭ تٷسٸنٸگٸندە بلوگەر دەگەنٸمٸز - ادامداردىڭ بەلگٸسٸز توبىنا باعىتتالعان جەنە ٶزٸنٸڭ جەكە جەنە ٶزگە دە قوعامدىق ماقساتتارىنا قول جەتكٸزۋگە ارنالعان, ونىڭ ٸشٸندە جەكە تۇلعانىڭ قالىپتاسۋىنا ىقپال ەتەتٸن اقپاراتتى ونلاين-پلاتفورمالاردا تاراتاتىن تۇلعا.
اسىلوۆ جالعان اقپارات تاراتۋ فاكتٸلەرٸنٸڭ ٶزەكتٸلٸگٸ ارتىپ كەلە جاتقانىن, سوندىقتان مۇنداي بۇزۋشىلىقتاردا قىلمىستىق جازالاناتىن ەرەكەت بەلگٸلەرٸ بولماسا, ەكٸمشٸلٸك جاۋاپكەرشٸلٸكتٸ ەنگٸزۋ جوسپارلانىپ وتىرعانىن مەلٸمدەدٸ.
"ەگەر بۇل زاڭ جوباسى قابىلدانسا, ينتەرنەت كەڭٸستٸگٸندە جالعان اقپاراتتىڭ تارالۋىنا تيٸمدٸ قارسى تۇرۋ ٷشٸن قاجەتتٸ جاعداي جاسالادى", - دەپ ايتتى بەرٸك اسىلوۆ.
