Krisha.kz sarapshylary Qazaqstanda keiingi aptada jalǵa beriletin turǵyn úi baǵasy qanshaǵa kóterilgenin eseptedi, - dep habarlaidy Tengrinews.kz tilshisi.
Portal málimetinshe, jalǵa berý usynystarynyń baǵasy, negizinen, Reseimen shekaralas aimaqtarda ósken. Ósim 15-ten 34 paiyzǵa deiin. Baǵa ósimi negizinen, demalys kúnderi baiqalǵany jáne jalǵa alý suranysynyń artýyna bailanysty ekeni atap ótildi.
"Eń kóp suranysqa ie qalalar: Oral, Aqtóbe, Qostanai, Petropavl, Pavlodar. Ondaǵy habarlandyrýlardy qaraý sany ádettegi turaqty deńgeige qaraǵanda 2-3 ese ósti", - deidi mamandar.
Aqtóbe men Oralda bir aptada (19-25 qyrkúiek) ótken aptamen (12-18 qyrkúiek) salystyrǵanda jalǵa berý ortasha eseppen 34 paiyzǵa, Qostanaida - 25 paiyzǵa, Pavlodarda - 19 paiyzǵa, Semeide jáne Petropavl 15 paiyzǵa jýyq qymbattaǵan.
"Megapolister men ortalyq qalalarda ázirge jappai ósim joq. Astanada usynys baǵasy - 5,6 paiyzǵa, Almatyda 5,1 paiyzǵa ósti. Baǵasy naryqtan edáýir joǵary bólek nusqalar da bar. Olardy "Uqsas páterlerdegi baǵa" blogy boiynsha anyqtaýǵa bolady", - dedi sarapshylar.
Sonymen qatar, Almatyda 24 qyrkúiekte habarlandyrýlardy qaraý sany tamyzdyń aiaǵyndaǵydai bolǵan.
"Keibir qalalarda baǵa men suranystyń ózgerýi múldem baiqalmaidy. Bul Shymkent, Qaraǵandy, Kókshetaý, Túrkistan, Taldyqorǵan, Jezqazǵan jáne basqalary. Ondaǵy baǵalar ózgergen joq nemese óte az mólsherde ósken, 1-3 paiyzǵa.
Atyraýda baǵalar 40 paiyzǵa ósti, biraq munda alypsatarlyq faktory basym bolýy múmkin. Bul qalada suranystyń kúrt ósýi týraly málimet joq", - deidi basylym.
Elimizde jaldaý aqysy eń qymbat qala Almaty ekeni atap ótildi. Bul qalada ortasha eseppen sharshy metr 5 435 teńgege jalǵa beriledi. Osylaisha, bir bólmeli páterdi jalǵa alý aiyna shamamen 200 myń teńge turady.
