Zeinetaqynyń bir bóligin alýǵa ótinim qabyldaityn sait iske qosyldy. Osy arqyly el aýmaǵynda ótinim qabyldaý bastaldy, dep habarlaidy "Ult aqparat".
Atap aitqanda, búgin saǵat 09.00-den bastap enpf-otbasy.kz arnaiy saity iske qosyldy.
«Portal turaqty istep tur. Ótinimdi noýtbýk/kompiýter arqyly joldaýǵa bolady. Smartfon arqyly ótinim berilmeidi. Ótinimdi joldaý úshin ETsQ bolýy kerek», - delingen Telegram kanaldaǵy habarlamada.
«Osy baǵdarlamaǵa qatysqysy keletin azamattar biryńǵai zeinetaqy jinaǵy qoryndaǵy óziniń jinaǵyn esepteýi kerek. Odan keiin «Otbasy bankinde» nemese óz qalaýy boiynsha ekinshi deńgeili bankterden arnaiy shot ashýy kerek. Úshinshi qadam: 23 qańtardan, saǵat tańerteńgi 09.00-de «Otbasy bankte» portaly ashyldy. Sol portalǵa azamattar óziniń elektrondy qoltańbasy arqyly kiredi. Ol portalǵa azamattar jetkilikti deńgeiden artyq somany qai maqsatqa paidalanatynyn kórsetip, ótinim beredi. Al ótinim zeinetaqy qoryna joldanady. Bes kúnniń ishinde ol jaqtan jaýap kelip, maquldanǵannan keiin azamat «Otbasy banktiń» portaly arqyly rastaityn qujattardy tirkep, arnaiy esepshotyndaǵy aqshany ózi kórsetken rekvizitter boiynsha satyp alýshyǵa, ne bolmasa ipotekany óteýge joldaidy», - dep túsindirdi «Otbasy banki» AQ ortalyq filialynyń direktory Jansultan Mataev.
Azamattar ózderiniń zeinetaqy jinaqtarynyń bir bóligin:
- - kepildik bolǵan kezde turǵyn úi qurylysyna úlestik qatysý týraly sharttar boiynsha turǵyn úi satyp alý kezinde nemese akt bolǵan kezde kóppáterli turǵyn úidegi úlesti berý týraly shart jasasý kezinde;
- - jer ýchaskesin satyp alýdy qos alǵanda jeke turǵyn úi salý úshin tolyq esep aiyrysý kezinde;
- - ipotekalyq qaryz alý, turǵyn úidi satyp alý, bereshekti óteý, bankter arqyly ipotekany qaita qarjylandyrý úshin bastapqy jarna retinde;
- - turǵyn úi qurylysy jinaqtary júiesi boiynsha jer ýchaskesin satyp ala otyryp, turǵyn úi satyp alýǵa nemese jeke turǵyn úi salýǵa arnalǵan ipoteka boiynsha bereshekti alý, qaita qarjylandyrýdy óteý kezinde;
- - Islam bankiniń qarjylandyrýy sheńberinde úi satyp alý jáne osyndai qarjylandyrý boiynsha bereshekti óteý kezinde;
- - turǵyn úi qurylysy jáne daǵdarysqa qarsy baǵdarlamalar sheńberinde satyp alý quqyǵymen berilgen baspanany uzaq merzimdi jaldaý sharttary boiynsha bereshekti óteý úshin paidalanýyna ruqsat etiledi.
Aita keteiik, Ortalyq kommýnikatsiialar qyzmetiniń alańynda keshe zeinetaqynyń bir bóligin baspanaǵa jumsaý máselesine qatysty baspasóz máslihaty ótti. Indýstriia jáne infraqurylymdyq damý ministrliginiń ókilderi men «Otbasy bank» basshylary jiynda kóptiń kókeiinde júrgen basty suraqtarǵa jaýap berdi.
