Tamyz aiynyń qorytyndysy boiynsha, qazaqstandyqtar ortasha eseppen sýyq sýdyń kýbmetrine 74,3 teńge tóledi. Bul ótken jylmen salystyrǵanda 3,7% kóp, dep habarlaidy Sputnik Ranking.kz saityna silteme jasap.
Sýyq sý bárinen de Atyraý (113,5 teńge) men Qaraǵandy (110,3 teńge) qalalarynda qymbat boldy. Al ystyq sý bir jyl ishinde 6,1% qymbattap, kýbmetriniń baǵasy 235,2 teńgege jetti. Bárinen de qymbat baǵa Almaty (475,2 teńge) men Qostanai (379,9 teńge) qalalarynda tirkeldi.
Qyrkúiek aiyndaǵy esep boiynsha, kanalizatsiiany tazartý qyzmeti kýbmetr úshin 48 teńgeden aldy. Atalǵan kórsetkish ótken jylmen salystyrǵanda 2,5% kóp. Eń joǵary baǵa Qaraǵandy (96,4 teńge) men Qostanai (80,4 teńge) qalalarynda tirkeldi.
Sýmen jabdyqtaý jáne sý tartý qyzmeti jyldan jylǵa ósip keledi. Ótken jylǵy kórsetkish boiynsha, sýyq sý — 6,5%, ystyq sý — 7,4%, al kanalizatsiia birden 13,2% (sýmen jabdyqtaý jáne sý tartý qyzmeti boiynsha) qymbattady.
7 aidyń qorytyndysy boiynsha, sý sharýashylyǵy kompaniialary qazaqstandyqtardy 604,2 million kýbmetr sýmen qamtamasyz etti. Bul kórsetkish ótken jylmen salystyrǵanda 1% az.
Sýmen bárinen kóp qamtamasyz etilgen aimaqtar qatarynda Almaty (111,4 million kýbmetr, ótken jylmen salystyrǵanda 7,5% az), Qaraǵandy (92,3 million kýbmetr, ótken jylmen salystyrǵanda 2,3% az) jáne Shyǵys Qazaqstan oblystary (49,9 kýbmetr, ótken jylmen salystyrǵanda 3,8% kóp) bar.
Qazaqstanda ystyq jáne sýyq sý qymbattady
