قازاقستاندا ىستىق جەنە سۋىق سۋ قىمباتتادى

تامىز ايىنىڭ قورىتىندىسى بويىنشا, قازاقستاندىقتار ورتاشا ەسەپپەن سۋىق سۋدىڭ كۋبمەترٸنە 74,3 تەڭگە تٶلەدٸ. بۇل ٶتكەن جىلمەن سالىستىرعاندا 3,7% كٶپ, دەپ حابارلايدى Sputnik Ranking.kz سايتىنا سٸلتەمە جاساپ.

سۋىق سۋ بەرٸنەن دە اتىراۋ (113,5 تەڭگە) مەن قاراعاندى (110,3 تەڭگە) قالالارىندا قىمبات بولدى. ال ىستىق سۋ بٸر جىل ٸشٸندە 6,1% قىمباتتاپ, كۋبمەترٸنٸڭ باعاسى 235,2 تەڭگەگە جەتتٸ. بەرٸنەن دە قىمبات باعا الماتى (475,2 تەڭگە) مەن قوستاناي (379,9 تەڭگە) قالالارىندا تٸركەلدٸ.

قىركٷيەك ايىنداعى ەسەپ بويىنشا, كاناليزاتسييانى تازارتۋ قىزمەتٸ كۋبمەتر ٷشٸن 48 تەڭگەدەن الدى. اتالعان كٶرسەتكٸش ٶتكەن جىلمەن سالىستىرعاندا 2,5% كٶپ. ەڭ جوعارى باعا قاراعاندى (96,4 تەڭگە) مەن قوستاناي (80,4 تەڭگە) قالالارىندا تٸركەلدٸ.

سۋمەن جابدىقتاۋ جەنە سۋ تارتۋ قىزمەتٸ جىلدان جىلعا ٶسٸپ كەلەدٸ. ٶتكەن جىلعى كٶرسەتكٸش بويىنشا, سۋىق سۋ — 6,5%, ىستىق سۋ — 7,4%, ال كاناليزاتسييا بٸردەن 13,2% (سۋمەن جابدىقتاۋ جەنە سۋ تارتۋ قىزمەتٸ بويىنشا) قىمباتتادى.

7 ايدىڭ قورىتىندىسى بويىنشا, سۋ شارۋاشىلىعى كومپانييالارى قازاقستاندىقتاردى 604,2 ميلليون كۋبمەتر سۋمەن قامتاماسىز ەتتٸ. بۇل كٶرسەتكٸش ٶتكەن جىلمەن سالىستىرعاندا 1% از.

سۋمەن بەرٸنەن كٶپ قامتاماسىز ەتٸلگەن ايماقتار قاتارىندا الماتى (111,4 ميلليون كۋبمەتر, ٶتكەن جىلمەن سالىستىرعاندا 7,5% از), قاراعاندى (92,3 ميلليون كۋبمەتر, ٶتكەن جىلمەن سالىستىرعاندا 2,3% از) جەنە شىعىس قازاقستان وبلىستارى (49,9 كۋبمەتر, ٶتكەن جىلمەن سالىستىرعاندا 3,8% كٶپ) بار.