Densaýlyq saqtaý ministrligi 17 naýryzda Qazaqstanda taǵy 1082 adamnyń koronavirýs testi oń shyqqanyn habarlady. Bir kún buryn bul kórsetkish birneshe kúnde alǵash ret 954-ke túsken edi.
Ministrlik adam ólimi men koronavirýs pnevmoniiasyna shaldyqqandarǵa bailanysty eki kún burynǵy málimetti jariialap keledi. 15 naýryzda 79 adamǵa koronavirýs pnevmoniiasy diagnozy qoiylǵan.
2020 jyldyń 13 naýryzynan beri 226 767 adamnyń koronavirýs testi oń shyqqan. Sodan beri 208 074 adam jazylǵan. Ótken táýlikte 703 adamnyń jazylǵany habarlandy. Byltyrdan beri 2 873 adam qaitys bolǵan. 15 naýryzda 8 adam ólimi tirkelgen. Olardyń báriniń koronavirýs testi oń nátije kórsetken.
2020 jyldyń 1 tamyzynan beri elde 49 896 adam koronavirýs pnevmoniiasyna shaldyqqan dep aitylady. 45,4 myń patsient jazylǵan. 656 adam qaitys bolǵan. 15 naýryzda koronavirýs pnevmoniiasy boiynsha adam ólimi tirkelmegen.
Ótken táýlikte Almaty (307) men Nur-Sultan (203) qalalarynda kóp naýqas (PTR testi oń shyqqan) tirkelgen. Almaty qalasynyń bas sanitar dárigeriniń qaýlysyna sáikes, koronavirýsqa bailanysty demalys jáne mereke kúnderi qalada karantin kúsheiedi.
Qaraǵandy oblysynda 101 adamnan koronavirýs anyqtalǵan. Qalǵan oblystar men qalalarda anyqtalǵan naýqastar júzge jetpeidi. Almaty oblysy (91), Aqmola oblysy (60), Batys Qazaqstan oblysynda (55) ondaǵan naýqas qosylǵan.
Amerikalyq Djons Hopkins ýniversitetiniń málimetinshe, álemde koronavirýs juqtyrǵandar 120,6 mln adamnan asty. Shamamen 68,4 adam jazylǵan, 2,66 mln adam qaitys bolǵan.
Óńirler boiynsha tolyq kórsetkish:
Almaty qalasynda - 28307 (+307), Nur-Sultan qalasynda – 26936 (+203), Shyǵys Qazaqstan oblysynda - 22505 (+14), Pavlodar oblysynda - 18597 (+45), Atyraý oblysynda - 17807 (+49), Qaraǵandy oblysynda - 16388 (+101), Aqmola oblysynda – 14638 (+60), Batys Qazaqstan oblysynda – 13933 (+55), Qostanai oblysynda - 13211 (+46), Soltústik Qazaqstan oblysynda - 12784 (+27), Almaty oblysynda - 11901 (+91), Shymkent qalasynda -6417 (+28), Jambyl oblysynda – 6181 (+14), Aqtóbe oblysynda - 4556 (+25), Túrkistan oblysynda – 4373 (+3), Mańǵystaý oblysynda - 4311 (+11), Qyzylorda oblysynda - 3922 (+3).
17 naýryzdaǵy málimet boiynsha, qazirgi ýaqytta Qazaqstanda koronovirýs infektsiiasynan 19 632 adam (15 820 KVI+ jáne 3 812 KVI-) emdelýde, olardyń ishinde 5 370 patsient - statsionarda, 14 262 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
- 237 adamnyń jaǵdaiy aýyr;
- 56 patsienttiń jaǵdaiy óte aýyr;
- 40 naýqas ókpeni jasandy jeldetý apparatyna qosylǵan.
