Qazaqstanda ekinshi deńgeili bankterdiń jáne ýákiletti uiymdardyń aqsha aiyrbastaý oryndarynyń qyzmeti ýaqytsha toqtatyldy. Bul týraly QazAqparat Ulttyq banktiń baspasóz qyzmetine silteme jasap habarlaidy.
«Memleket basshysynyń qarjy júiesiniń turaqtylyǵyn qamtamasyz etý boiynsha tapsyrmasyn oryndaý maqsatynda Qazaqstannyń Ulttyq banki kelesini habarlaidy: internettiń turaqsyz jumysyna jáne Almatyda men ózge óńirlerde kontrterroristik operatsiialardyń jalǵasýyna bailanysty bank júiesiniń jumysyn qalpyna keltirý bank servisteriniń halyq jáne biznes úshin qajettiligi men áleýmettik mańyzyna qarai kezeń-kezeńimen iske asyrylady.
Almaty qalasynda jáne ózge óńirlerde ahýaldyń turaqtalýyna, sondai-aq bailanys arnalarynyń qalpyna kelýine qarai Qazaqstan qor birjasynyń valiýta alańynda saýda-sattyqty jandandyrý jáne halyqaralyq tólemder men aýdarymdardy iske asyrýdy qalpyna keltirý boiynsha sharalar qabyldanatyn bolady.
Osyǵan orai, ekinshi deńgeili bankterdiń jáne ýákiletti uiymdardyń aiyrbastaý pýnkteriniń qyzmeti aiyrbastaý pýnkteriniń, sondai-aq olardyń qyzmetkerleri men klientteriniń qaýipsizdigi men amandyǵy úshin ýaqytsha toqtatyldy», - delingen QR Ulttyq bank habarlamasynda.
