KVI-ǵa qarsy vaktsinatsiialanǵandar sanynyń birtindep artýyna bailanysty QR Bas memlekettik sanitarlyq dárigeriniń qaýlysymen vaktsinatsiialaýdyń tolyq kýrsy bar adamdar úshin birqatar shekteý alynyp tastaldy, dep habarlady OKQ brifinginde QR DSM sanitarlyq-epidemiologiialyq baqylaý komitetiniń tóraǵasy Aijan Esmaǵambetova.
«COVID-19 - ǵa qarsy vaktsinatsiialaýdyń tolyq kýrsy bolǵan jaǵdaida aýrýhanaǵa jatqyzýdyń kez kelgen túri úshin, uiymdasqan ujymdarǵa barǵan kezde, vahtalyq qyzmetkerlerge, demalystan, issapardan keiin meditsina qyzmetkerlerine, aýrýyna bailanysty jumys ornynda bolmaǵan kezde, meditsinalyq joǵary oqý oryndary men kolledjderdiń stýdentterine jáne basqa adamdarǵa PTR test talap etilmeidi», - dedi Esmaǵambetova.
COVID-19 rastalǵan jaǵdailarymen bailanysta bolǵandar oqshaýlanbaidy, biraq olarǵa meditsinalyq baqylaý qamtamasyz etiledi; keńse uiymdarynyń qyzmetkerleri qashyqtyqtan jumys isteý formatyna aýystyrylmaidy.
Sonymen qatar, kún saiyn táýligine 400 myńǵa deiin jaǵdai tirkelgen Úndistandaǵy koronavirýstyq infektsiia boiynsha epidemiologiialyq jaǵdaidyń nasharlaýyn eskere otyryp, Úndistan aýmaǵynda taralǵan shtammnyń ákelinýiniń aldyn alý boiynsha qosymsha sharalar qabyldandy.
Máselen, Qazaqstan Respýblikasyna, onyń ishinde úshinshi elder arqyly kelgen jáne Úndistanda bolǵan adamdar sońǵy 14 kún ishinde PTR ádisimen COVID-19-ǵa anyqtamanyń jáne COVID-19-ǵa qarsy vaktsinatsiialaýdyń bolýyna qaramastan, 14 kúnge úide oqshaýlaýǵa (úi karantini) jatady.
«Halyqtyń kóp bóligi vaktsinatsiiamen qamtylǵan jaǵdaida ǵana biz karantinsiz úirenshikti ómirge qaita orala alamyz. Táýekel tobyna birinshi kezekte 60 jastan asqan adamdar túsedi, olardyń 80% - da asqynýlary bar jáne reanimatsiiaǵa túsedi, sondyqtan ózimizdi ǵana emes, ózimizdiń jasy úlken jaqyndarymyzdy da qorǵaý úshin vaktsinatsiia árqaisymyz úshin mańyzdy», - dep eske saldy Esmaǵambetova.
Komitet basshysy vaktsinatsiia virýstyń taralýyn azaitýdyń jáne týystarymen, áriptesterimen, dostarymen qaýipsiz qarym-qatynasqa oralýdyń jalǵyz joly ekenin taǵy bir ret atap ótti.
