Úkimettiń qaýlysymen koronavirýsqa qarsy vaktsinalardy ýaqytsha memlekettik tirkeý qaǵidalary bekitildi. Premer-ministr Asqar Mamin qol qoiǵan qujat "Ádilet" normativtik quqyqtyq aktiler aqparat-quqyqtyq júiesi saitynda jariialandy.
Erejede koronavirýsqa qarsy vaktsinalardy ýaqytsha memlekettik tirkeýge qoiý tártibi jazylǵan. Atap aitqanda, vaktsinany ýaqytsha tirkeý úshin Memlekettik saraptama uiymyna arnaiy úlgi boiynsha ótinish pen qujattar tizbesin tapsyrý qajet.
Memlekettik saraptama uiymy óz kezeginde bir kúnniń ishinde sarapatama komissiiasyn jasaqtaidy. Oǵan memlekettik saraptama uiymynyń sarapshylary, bioetika jónindegi ortalyq komissiianyń ókilderi, meditsinalyq uiymdardyń ókilderi, meditsina, biologiia, mikrobiologiia, immýnologiia jáne epidemiologiia salasyndaǵy qyzmetti júzege asyratyn beiindi uiymdardyń qyzmetkerleri kiredi.
Saraptama komissiiasynyń tóraǵasy qyzmetine memlekettik saraptama uiymy basshysynyń orynbasarynan tómen emes tulǵa taǵaiyndalady. Al komissiia músheleriniń jalpy sany taq bolýy tiis. Daýystar teń bolǵan jaǵdaida tóraǵalyq etýshiniń daýysy sheshýshi bolyp tabylady.
Vaktsinany ýaqytsha memlekettik tirkeýge qoiýǵa qatysty qujattar on jumys kúni ishinde qaralady. Al qandai da bir eskertýler bolsa, ótinish berýshige úsh kúnde habar beriledi.
"Ótinish berýshi qujattardyń tolyq toptamasyn usynbaǵan jaǵdaida, sondai-aq saraptama komissiiasynyń eskertýleri osy tarmaqta kózdelgen merzimderde joiylmaǵan jaǵdaida, saraptama komissiiasy teris qorytyndy beredi", - delingen erejede.
Memlekettik organ saraptama komissiiasy usynǵan vaktsinanyń qaýipsizdigi, sapasy men tiimdiligi týraly qorytyndynyń negizinde bir jumys kúni ishinde vaktsinany 9 aiǵa ýaqytsha memlekettik tirkeýge qoiady. Al ótinish berýshige tiisti kýálik beriledi.
