ٷكٸمەتتٸڭ قاۋلىسىمەن كوروناۆيرۋسقا قارسى ۆاكتسينالاردى ۋاقىتشا مەملەكەتتٸك تٸركەۋ قاعيدالارى بەكٸتٸلدٸ. پرەمەر-مينيستر اسقار مامين قول قويعان قۇجات "ەدٸلەت" نورماتيۆتٸك قۇقىقتىق اكتٸلەر اقپارات-قۇقىقتىق جٷيەسٸ سايتىندا جارييالاندى.
ەرەجەدە كوروناۆيرۋسقا قارسى ۆاكتسينالاردى ۋاقىتشا مەملەكەتتٸك تٸركەۋگە قويۋ تەرتٸبٸ جازىلعان. اتاپ ايتقاندا, ۆاكتسينانى ۋاقىتشا تٸركەۋ ٷشٸن مەملەكەتتٸك ساراپتاما ۇيىمىنا ارنايى ٷلگٸ بويىنشا ٶتٸنٸش پەن قۇجاتتار تٸزبەسٸن تاپسىرۋ قاجەت.
مەملەكەتتٸك ساراپتاما ۇيىمى ٶز كەزەگٸندە بٸر كٷننٸڭ ٸشٸندە ساراپاتاما كوميسسيياسىن جاساقتايدى. وعان مەملەكەتتٸك ساراپتاما ۇيىمىنىڭ ساراپشىلارى, بيوەتيكا جٶنٸندەگٸ ورتالىق كوميسسييانىڭ ٶكٸلدەرٸ, مەديتسينالىق ۇيىمداردىڭ ٶكٸلدەرٸ, مەديتسينا, بيولوگييا, ميكروبيولوگييا, يممۋنولوگييا جەنە ەپيدەميولوگييا سالاسىنداعى قىزمەتتٸ جٷزەگە اسىراتىن بەيٸندٸ ۇيىمداردىڭ قىزمەتكەرلەرٸ كٸرەدٸ.
ساراپتاما كوميسسيياسىنىڭ تٶراعاسى قىزمەتٸنە مەملەكەتتٸك ساراپتاما ۇيىمى باسشىسىنىڭ ورىنباسارىنان تٶمەن ەمەس تۇلعا تاعايىندالادى. ال كوميسسييا مٷشەلەرٸنٸڭ جالپى سانى تاق بولۋى تيٸس. داۋىستار تەڭ بولعان جاعدايدا تٶراعالىق ەتۋشٸنٸڭ داۋىسى شەشۋشٸ بولىپ تابىلادى.
ۆاكتسينانى ۋاقىتشا مەملەكەتتٸك تٸركەۋگە قويۋعا قاتىستى قۇجاتتار ون جۇمىس كٷنٸ ٸشٸندە قارالادى. ال قانداي دا بٸر ەسكەرتۋلەر بولسا, ٶتٸنٸش بەرۋشٸگە ٷش كٷندە حابار بەرٸلەدٸ.
"ٶتٸنٸش بەرۋشٸ قۇجاتتاردىڭ تولىق توپتاماسىن ۇسىنباعان جاعدايدا, سونداي-اق ساراپتاما كوميسسيياسىنىڭ ەسكەرتۋلەرٸ وسى تارماقتا كٶزدەلگەن مەرزٸمدەردە جويىلماعان جاعدايدا, ساراپتاما كوميسسيياسى تەرٸس قورىتىندى بەرەدٸ", - دەلٸنگەن ەرەجەدە.
مەملەكەتتٸك ورگان ساراپتاما كوميسسيياسى ۇسىنعان ۆاكتسينانىڭ قاۋٸپسٸزدٸگٸ, ساپاسى مەن تيٸمدٸلٸگٸ تۋرالى قورىتىندىنىڭ نەگٸزٸندە بٸر جۇمىس كٷنٸ ٸشٸندە ۆاكتسينانى 9 ايعا ۋاقىتشا مەملەكەتتٸك تٸركەۋگە قويادى. ال ٶتٸنٸش بەرۋشٸگە تيٸستٸ كۋەلٸك بەرٸلەدٸ.
