Qazaqstanda koronavirýsqa nemese basqa da aýrýlarǵa qarsy vaktsinany jasaý óndirý isi áli jolǵa qoiylǵan joq. Ortalyq kommýnikatsiialar qyzmetinde ótken baspasóz máslihatynda Densaýlyq saqtaý ministri Aleksei Tsoi osylai dedi, dep habarlaidy QazAqparat.
«Vaktsina synaqtyń 1-2 satysynan ótken kezde saý eriktiler tańdalyp alynady. Olar - 18 jastan 60 jasqa deiin azamattar. Zertteýler osy toptaǵy azamattar arqyly júrgiziledi. Keiinirek testileýdiń úshinshi satysynda aiǵaqtar artyp, tester keńirek toptarǵa jasala bastaidy», - dedi Aleksei Tsoi jýrnalisterdiń suraqtaryna jaýap bere otyryp.
Ol sondai-aq, kez-kelgen memleket tehnologiialar, bilim transferti bólise bermeitinin, eń bastysy, osyndai múmkindikterdi iske qosýǵa daiyn emes atap ótti.
«Bizdiń elde kópfýnktsionaldy zaýyttardy iske qosýdy josparlap otyrmyz. Koronavirýsqa ǵana qarsy emes, basqa vaktsinalardy da óndirý múmkindigine ie bolýymyz kerek. Bizde mundai óndiris áli joq», - dedi ministr.
