قازاقستاندا كوروناۆيرۋسقا نەمەسە باسقا دا اۋرۋلارعا قارسى ۆاكتسينانى جاساۋ ٶندٸرۋ ٸسٸ ەلٸ جولعا قويىلعان جوق. ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا دەنساۋلىق ساقتاۋ مينيسترٸ الەكسەي تسوي وسىلاي دەدٸ, دەپ حابارلايدى قازاقپارات.
«ۆاكتسينا سىناقتىڭ 1-2 ساتىسىنان ٶتكەن كەزدە ساۋ ەرٸكتٸلەر تاڭدالىپ الىنادى. ولار - 18 جاستان 60 جاسقا دەيٸن ازاماتتار. زەرتتەۋلەر وسى توپتاعى ازاماتتار ارقىلى جٷرگٸزٸلەدٸ. كەيٸنٸرەك تەستٸلەۋدٸڭ ٷشٸنشٸ ساتىسىندا ايعاقتار ارتىپ, تەستەر كەڭٸرەك توپتارعا جاسالا باستايدى», - دەدٸ الەكسەي تسوي جۋرناليستەردٸڭ سۇراقتارىنا جاۋاپ بەرە وتىرىپ.
ول سونداي-اق, كەز-كەلگەن مەملەكەت تەحنولوگييالار, بٸلٸم ترانسفەرتٸ بٶلٸسە بەرمەيتٸنٸن, ەڭ باستىسى, وسىنداي مٷمكٸندٸكتەردٸ ٸسكە قوسۋعا دايىن ەمەس اتاپ ٶتتٸ.
«بٸزدٸڭ ەلدە كٶپفۋنكتسيونالدى زاۋىتتاردى ٸسكە قوسۋدى جوسپارلاپ وتىرمىز. كوروناۆيرۋسقا عانا قارسى ەمەس, باسقا ۆاكتسينالاردى دا ٶندٸرۋ مٷمكٸندٸگٸنە يە بولۋىمىز كەرەك. بٸزدە مۇنداي ٶندٸرٸس ەلٸ جوق», - دەدٸ مينيستر.
