Foto: videodan kadr
Elimizde uzaq jolda tynyqpai tizginde otyratyn avtobýs jáne júk kóliginiń júrgizýshilerine jappai aiyppul salynýda. Olar tórt million teńgeden astam aiyppul arqalaǵan. Kólik ministrligi trassalarda reidtik sharalar jalǵasatynyn eskertti. Bul týraly "Ult aqparat" 31-arnanyń "Informbiýro" jańalyqtar baǵdarlamasyna silteme jasap habarlaidy.
Qalalar arasynda jolaýshy tasymaldaityn qoǵamdyq kólik júrgizýshilerine 9 saǵattan artyq júrýge bolmaidy. Olar 4,5 saǵat saiyn 45 minýt demalý kerek. Al erejeni elemegen júrgizýshiler kóliktegi tahograf qurylǵysy arqyly belgili bolǵan.
Avtobýstar men júk kólikterindegi bul qurylǵy avtomobildiń jyldamdyǵyn, júrip ótken jolyn anyqtaýǵa múmkindik beredi. Al avtobýs tizgindeitin azamattar ózderiniń úzilis jasaitynyn, kerisinshe kúni-túni adam tasityn taksi júrgizýshilerin qatań baqylaý kerek ekenin aitty.
"Biz ýaqytymen demalamyz. Halyqty aman-esen qalaǵa jetkizý ǵoi maqsatymyz. Sol úshin demalyp júremiz", "Mysaly Almaty baǵytyna eki júrgizýshi bolady. Árqaisysynyń bólek jol qaǵazy, meditsinalyq baqylaý qaǵazy bolady. Indraiverde júretinderde alys jolǵa bir shofer bolady. Óitkeni olarda oryn az. Ekinshi shofer almaidy. Solardy teksersin", – dedi júrgizýshiler.
