Video kadry
Byltyr Qazaqstanda qylmystyq qaýymdastyqtardyń 299 múshesi qylmystyq jaýapkershilikke tartyldy. Bul san IIM alqa otyrysynda ataldy, - dep habarlaidy vedomstvonyń baspasóz qyzmeti.
Uiymdasqan qylmystyq toptardy qurý jáne olarǵa jetekshilik etý derekteri boiynsha 78 qylmystyq is qozǵalǵan, onyń ishinde 10 is – transulttyq arnalarǵa qatysty. Zańsyz ainalymnan 2,5 myńnan asa qarý tárkilendi.
"Qabyldanǵan sharalar qylmystyq toptardy qarjylandyrý men jabdyqtaýdyń turaqty arnalaryn joiýǵa, sondai-aq, olardyń ekonomika men qoǵamdyq qaýipsizdikke yqpalyn toqtatýǵa múmkindik berdi", – dedi Ishki ister ministri Erjan Sádenov.
Aita keteiik, birqatar jaǵdaida qylmystyq qaýymdastyqtardyń qyzmetine politsiia qyzmetkerleri de tartylǵan. Máselen, byltyr Soltústik Qazaqstan oblysynyń Uiymdasqan qylmysqa qarsy kúres basqarmasy bastyǵynyń orynbasary taǵy para alǵany úshin 8 jylǵa sottaldy: ol retsidivistiń qylmysyn jasyrý úshin birneshe márte para alǵan.
