2023 jyldyń 1 qyrkúieginen bastap Qazaqstanda úi janýarlaryn tirkeý mindetti bolady. Bul týraly QR Ekologiia, geologiia jáne tabiǵi resýrstar vitse-ministri Áliia Shalabekova aitty, dep habarlaidy QazAqparat.
«2023 jyldyń 1 qyrkúieginen bastap janýarlardyń ieleri úi janýarlaryn tirkeýi kerek. Esepke alýdyń tolyq tártibi tiisti erejelerde aiqyndalatyn bolady. Esepke alý ielerdiń esebinen júzege asty. Al halyqtyń áleýmettik osal toptaryna jatatyn azamattarǵa bul rásimdi memleket tóleidi. Sondai-aq, itterdiń iesiz, jalǵyz júrýine zańmen tyiym salynady», - dedi spiker ortalyq kommýnikatsiialar qyzmetinde ótken baspasóz máslihatynda.
Sonymen qatar, normativtik-quqyqtyq aktilerdiń birqatar jobasy qańǵybas janýarlarmen jumys isteýdi retteýge baǵyttalǵan.
Máselen: janýarlardy aýlaýdyń, ýaqytsha ustaýdyń jáne jansyzdandyrýdyń úlgilik qaǵidalary; qańǵybas janýarlardy egý jáne zararsyzdandyrý erejeleri jáne janýarlarǵa arnalǵan ortalyqty esepke alý jáne qyzmet etý erejeleri.
«Zań kúshine engen soń, Qazaqstanda qańǵybas janýarlardy aýlaý praktikasy toqtatylady, al olardyń sanyn retteý memlekettik biýdjet qarajaty esebinen sterildeý jolymen ǵana júzege asyrylatyn bolady. Bul rette janýarlardy aýlaýdyń úlgilik qaǵidalarynyń jobasy sheńberinde iesi bar ekenin bildiretin belgileri bar janýarlardy sterildeýge tyiym salý josparlanýda», - dedi á. Shalabekova.
