Qazaqstanda Ýral mototsklin qurastyrý qolǵa alynady. Bul týraly QR Indýstriia jáne infraqurylymdyq damý ministrligi Indýstrialdyq damý komiteti tóraǵasynyń orynbasary Oljas Saparbekov málim etti, dep habarlaidy QazAqparat.
Ortalyq kommýnikatsiialar qyzmetindegi baspasóz máslihatynda ol reseilik óndirýshiniń Qazaqstanda óndiris oshaǵyn ashýǵa sheshim qabyldaǵanyn jariia etti.
Biraq investor Resei Federatsiiasyndaǵy jumysyn da jalǵastyra beredi. Qazaqstanda shyǵarylǵan mototsiklder eksportqa da shyǵady.
Buǵan deiin áleýmettik jelide Ural mototsiklderi óndirisiniń Petropavlǵa kóshiriletini týraly aqparat tarap, keiinnen Soltústik Qazaqstan oblysynyń ákimdigi atalǵan kompaniia ókilderiniń Petropavl qalasyna kelip, memlekettik organdarǵa júginbegenin jariia etken bolatyn.
«Memlekettik organdarmen kezdesýler ótkizilgen joq. Memlekettik qoldaý sharalary áli qoldanylǵan joq. Aqparat jaqynda jańartylady. Jalpy, Soltústik Qazaqstan oblysy jańa óndirister ashýǵa investorlardyń usynystaryn qaraýǵa árqashan daiyn. Sonyń ishinde «Qyzyljar» arnaiy ekonomikalyq aimaǵynyń aýmaǵynda», - dep túsindirgen edi oblys ákiminiń baspasóz qyzmeti.
