Tamyzda un 4 paiyzǵa, al jyldyq esepte birden 41 paiyzǵa qymbattady, - dep habarlaidy Tengrinews.kz agenttigi energyprom.kz saityna silteme jasap.
Jeti aidyń qorytyndysy boiynsha, Qazaqstanda ishki naryqta un satylymy 21 paiyzǵa tómendep, eksport 25 paiyzǵa ósken.
Dándi daqyldar men ósimdik uny, sondai-aq, usaq tartylǵan qospalar óndirisi biyl qańtar men tamyz aralyǵynda 2 million tonna bolǵan. Bul byltyrmen salystyrǵanda, 0,5 paiyzǵa az. Al odan bir jyl buryn óndiris kólemi 3,8 paiyzǵa tómendegen.
Sektorda shyǵarylǵan ónimniń 1,9 million tonnadan astamy bidai nemese sýrjik unyna, 138,9 myń tonnasy nan-toqash ónimderin daiyndaýǵa arnalǵan qospaǵa, 7,4 myń tonnasy usaq jáne iri tartylǵan ósimdik unyna ketken.
Biyl qańtar men shilde aralyǵynda otandyq kompaniialar dándi daqyldardan usaq tartylǵan unǵa suranysty 98,9 paiyzǵa, byltyr 99,6 paiyzǵa qarsy qamtamasyz etken. Bul bir jylda 1,2 paiyzǵa qysqarǵan, al import 2,5 ese, biraq tek 18,8 myń tonnaǵa deiin ósken.
Eksport 2022 jylǵy qańtar men shilde aralyǵynda 935,3 myń tonna bolyp, 24,9 paiyzǵa artqan, al ishki naryqta satylym kólemi 20,5 paiyzǵa, 757,5 myń tonnaǵa deiin qysqarǵan.
2022 jylǵy tamyzdyń qorytyndysy boiynsha, un baǵasy bir aida 4,3 paiyzǵa ósken, bul - 2011 jyldan bastap unnyń ailyq deńgeide qymbattaýynyń eń joǵary kórsetkishteriniń biri. Sonymen qatar, 2011 jyldan bastap rekord kórsetkish biylǵy sáýir men mamyrda tirkelgen, iaǵni 7,5 paiyz jáne 6,8 paiyz bolǵan.
2011 jyldan bastap 2021 jylǵa deiin un baǵasynyń ortasha ailyq ósimi 0,8 paiyz bolǵan. Biyl qańtar men tamyz aralyǵynda un aiyna orta eseppen 4 paiyzǵa qymbattaǵan.
Óńirler arasynda 2022 jylǵy tamyzdyń qorytyndysy boiynsha un baǵasynyń eń joǵary ailyq ósimi Pavlodar (12,8 paiyzǵa), Jetisý (12,4 paiyzǵa) jáne Batys Qazaqstan (11,9 paiyzǵa) oblystarynda baiqalǵan. Un Aqmola (0,3 paiyzǵa), Aqtóbe (0,6 paiyzǵa) jáne Soltústik Qazaqstan (0,8 paiyzǵa) oblystarynda aitarlyqtai qymbattamaǵan.
