Foto: ashyq derekkóz
Elimizdiń qalalarynda internetke biryńǵai qaýipsiz qoljetimdilikti qamtamasyz etetin ulttyq Wi-Fi operatoryn qurý josparlanýda. Mundai josparlar týraly Úkimet otyrysynda baiandaldy, dep habarlaidy Ult.kz.
Joba áleýmettik mańyzy bar nysandarda jelini ornalastyrýdy kózdeidi. Naqtyraq aitsaq, shekara beketterinde, áýejailarda, temirjol jáne avtovokzaldarda, sondai-aq mektepter men meditsinalyq mekemelerde paida bolady.
«Biz quryp jatqan infraqurylym Qazaqstannyń JI-ekonomikany qalyptastyrý baǵytyn qoldai otyryp, jasandy intellekt negizinde tsifrlyq servister men sheshimderdi damytý platformasyna ainalýda», — dedi «Freedom Telecom Operations» kompaniiasynyń basshysy Qairat Ahmetov.
Birinshi kezeńde joba 10 qalada 400 oryndy qamtidy. 2026 jylǵa qarai jelini 10 myń qosý núktesine deiin, al 2027 jylǵa qarai 20 myńǵa deiin keńeitý josparlanýda.
