Ulttyq qoǵamdyq senim keńesiniń ekonomikalyq jańǵyrý boiynsha jumys tobynyń atynan Arman Qashqynbekov 2030 jylǵa deiingi turaqty damý týraly ulttyq baǵdarlamany ázirleýdi usyndy, dep habarlaidy QazAqparat.
«Prezidenttiń biylǵy Joldaýynda, Úkimettiń otyrystarynda turaqty damý men ulttyq parkterdi, ekotýrizmdi jáne ekotýrlarly damytý boiynsha jasyl ekonomikalarǵa erekshe nazar aýdarylǵan bolatyn. Sonymen qatar Qazaqstan 4 jyl buryn klimattyń ózgerýi boiynsha Parij kelisimin ratifikatsiialady. Sol kelisimge sai biz 2030 jylǵa deiin qaldyqtardy 15 paiyzǵa deiin azaitýǵa mindetteldik. Osyǵan bailanysty biz 10 jylǵa arnalǵan 2030 jylǵa deiingi turaqty damý týraly ulttyq baǵdarlamany ázirleý týraly usynys bildiremiz. Sol baǵdarlama arqyly ekojúieler, satyp alý sipatyndaǵy ekonomika, jańa mehanizmderdi engizý kózdeledi», - dedi Arman Qashqynbekov.
Onyń aitýynsha keiingi kezde iri qalalardaǵy aýa sapasyna qatysty qoǵamda ártúrli syn aitylyp jatyr.
«Biz bul rette Ekologiia ministrligi men BUU Damý baǵdarlamasymen, «Talap» ortalyǵymen birge arnaiy joba ázirleýdi usynamyz», - dedi ol.
