Foto: ashyq derekkóz
23 sáýirde Qazaqstanda Memleket basshysy Qasym-Jomart Toqaevtyń bastamasymen bekitilgen Ulttyq kitap kúni atap ótiledi. Osyǵan orai eldiń barlyq óńirinde kitap oqý mádenietin arttyrýǵa jáne ziiatkerlik áleýetti damytýǵa baǵyttalǵan kitap aptalyǵy uiymdastyrylady, dep habarlaidy Ult.kz.
Aptalyq aiasynda 1500-den astam is-shara ótkizý josparlanǵan. Baǵdarlama kelesi kúnderdi qamtidy:
- 16 sáýir – «Artyq bilim kitapta…»
- 17 sáýir – «Sóz ónerindegi ólketaný»
- 18-19 sáýir – «Weekend. Book. Vibes»
- 20 sáýir – «Kitaphana túni» aktsiiasy
- 21 sáýir – «Kitap. Tarih. Shejire»
- 22 sáýir – «Kitap – dostyq ambassadory»
- 23 sáýir – Ulttyq kitap kúni
Búgingi kún «Artyq bilim kitapta…» taqyrybymen ótýde. Bul kún kitaptyń oqý men aǵartýdyń, rýhani damýdyń qainar kózi retindegi mánin aiqyndaýǵa baǵyttalǵan. Osy oraida elimizde kitap festivalderi, ashyq esik kúnderi, jármeńkeler, kitap oqý marafondary, sondai-aq baspalar men kitap dúkenderi birlesip túrli is-sharalar ótkizedi.
Kitaphanalarda kelýshiler úshin taqyryptyq kórmeler, tanystyrylymdar men túrli baǵdarlamalar uiymdastyrylyp, kitapqa degen qyzyǵýshylyqty arttyrýǵa jáne onyń qoǵamdaǵy ornyn nyǵaitýǵa erekshe mán beriledi.
