Foto: depositphotos.com
Qazaqstan bir ýaqyt beldeýine aýysýy múmkin. Úkimettiń tiisti qaýlysy "Ashyq NQA" portalynda jariialandy, - dep habarlaidy Tengrinews.kz.
Qujat "Qazaqstan Respýblikasy aýmaǵyndaǵy ýaqytty esepteý tártibi týraly" 2000 jylǵy qaýlyǵa ózgerister men tolyqtyrýlar engizýdi kózdeidi.
"Qazaqstan Respýblikasy aýmaǵynda ýaqyt esepteý Qazaqstan Respýblikasynyń ýaqyt pen jiilik memlekettik alǵashqy etalony udaiy júrgizetin, saqtaityn ári beretin saǵattyq beldeýlerdiń halyqaralyq júiesi boiynsha júrgiziledi dep belgilensin", - delingen qujatta.
Qujat 22 jeltoqsanǵa deiin daýysqa salynady. Eger qazaqstandyqtar ony qoldasa, Astana, Almaty, Shymkent jáne respýblikanyń taǵy 12 oblysynda saǵat tili ózgeredi.
"Astana, Almaty, Shymkent qalalarynyń, Abai, Aqmola, Almaty, Jambyl, Jetisý, Qaraǵandy, Qostanai, Pavlodar, Soltústik Qazaqstan, Túrkistan, Ulytaý, Shyǵys Qazaqstan oblystarynyń ákimdikteri 2024 jylǵy 29 aqpannan 2024 jylǵy 01 naýryzǵa qaraǵan túni (saǵat 00:00-de) jergilikti ýaqytty 1 saǵatqa artqa aýystyrsyn", - delingen qujat mátininde.
Osy qaýly alǵashqy resmi jariialanǵan kúninen keiin kúntizbelik on kún ótken soń qoldanysqa engiziledi.
