QR Qarjy naryǵyn retteý jáne damytý agenttiginiń tóraǵasy Mádina Ábilqasymova Qazaqstanda tutynýshy nesiesiniń kólemi tómendegenin aitty, dep habarlaidy "Ult aqparat".
«Bul kórsetkish halyqtyń suranysy men tabysynyń azaiýyna bailanysty tómendedi. Qazir bankterdiń tutynýshy kreditteri 2020 jyldyń 9 aiynda 0,7% ǵana ósim kórsetip otyr. Al byltyr osy kezeńde 18,6% ósim bolǵan», - dedi Mádina Ábilqasymova.
Onyń aitýynsha, biyl 1 qańtardan bastap nesie tólenbei qalǵan jaǵdaida kepilsiz tutynýshy nesieleriniń komissiiasy 90 kúntizbelik kún ishinde toqtatylady.
Sonymen qatar, tólem qabileti tómen azamattarǵa nesie berilmeitin bolady.
«Biyl problemalyq nesieler úlesi mamyrda 9,4%, al qazan aiynda 8,4% boldy», - dedi Agenttik tóraǵasy.
