Qazaqstanda týrizmdi qoldaýǵa 2025 jylǵa deiin 163,7 milliard teńge bólý josparlanyp otyr. Bul týraly Mádeniet jáne sport vitse-ministri Ǵabidolla Ábdirahymov málimdedi, - dep habarlaidy Tengrinews.kz.
Vitse-ministrdiń aitýynsha, "Qazaqstan Respýblikasyndaǵy týristik qyzmet týraly" zań jobasy aiasynda kovidten keiingi kezeńde yntalandyrýdyń jańa sharalary ázirlendi.
"Sharalar paketi Májiliske engizilip, 2025 jylǵa deiin 163,7 milliard teńge somasyna aldyn ala maquldandy. Joba aiasynda týroperatorlardy árbir sheteldik týrist pen balalarǵa arnalǵan ishki ushýlar úshin sýbsidiialaý, týristik nysandar men jol boiyndaǵy servis obektilerin salý kezinde taý shańǵysy bazalary men týravtobýstarǵa arnalǵan jabdyqtardy satyp alýǵa investorlardyń shyǵyndaryn óteý, sondai-aq týrdestinatsiialarda sanitariialyq-gigienalyq toraptardy kútip ustaýdy sýbsidiialaý josparlandy", - dep habarlady Mádeniet jáne sport ministrliginiń alqa otyrysynda Ábdirahymov.
Ol zań jobasy Májiliste ekinshi oqylymnan ótip, endi jaqyn arada Senatqa jiberiletinin aitty.
